Lionel Messi: फुटबॉलचा 'GOAT' मेस्सीच्या ७० फूट उंच पुतळ्याचे व्हर्च्युअल अनावरण

Lionel Messi: लेक टाऊनमधील श्री भूमी स्पोर्टिंग क्लब येथे फुटबॉलचा महान खेळाडू लिओनेल मेस्सीचा ७० फूट उंच पुतळा स्थापित करण्यात आला आहे.

फुटबॉलचा महान खेळाडू लिओनेल मेस्सी 'GOAT इंडिया टूर'साठी १४ वर्षांनंतर भारतात दाखल झाला आहे. मेस्सीच्या आगमनाने कोलकातामध्ये चाहत्यांमध्ये मोठा उत्साह संचारला असून, नाच-गाण्यांनी त्याचे जोरदार स्वागत करण्यात आले. लेक टाऊनमधील श्री भूमी स्पोर्टिंग क्लब येथे त्याचा ७० फूट उंच पुतळा स्थापित करण्यात आला आहे, जे या दौऱ्यातील मुख्य आकर्षण ठरले आहे. 

VIDEO | Kolkata: Football icon Lionel Messi to virtually unveil his 70-foot statue from Salt Lake stadium, with West Bengal Minister Sujit Bose and Bollywood actor Shah Rukh Khan present at the event.#LionelMessi#Kolkata#Football

(Full VIDEO available on PTI Videos –… pic.twitter.com/dqISIwMgl4

— Press Trust of India (@PTI_News) December 13, 2025

मेस्सीने फिफा विश्वचषक ट्रॉफी उंचावल्याच्या ऐतिहासिक क्षणाचे चित्रण करणारा हा भव्य पुतळा जगातील मेस्सीचा सर्वात मोठा पुतळा असल्याचा दावा करण्यात आला आहे. पुतळ्याचे अनावरण मेस्सीने व्हर्च्युअल पद्धतीने केले. या महत्त्वपूर्ण अनावरण कार्यक्रमात पश्चिम बंगालचे मंत्री आणि श्री भूमी स्पोर्टिंग क्लबचे अध्यक्ष सुजित बोस यांनी उपस्थिती दर्शवली.

पुतळ्याचे अनावरण लेक टाऊन येथे झाले असले तरी, मेस्सीचा मुख्य कार्यक्रम सॉल्ट लेक स्टेडियम येथे आयोजित करण्यात आला होता. मेस्सीने व्हर्च्युअल अनावरणांनंतर थेट सॉल्ट लेक स्टेडियमवर चाहत्यांना भेटण्यासाठी हजेरी लावली. या भव्य कार्यक्रमाला विविध क्षेत्रांतील दिग्गज उपस्थित होते. यात बॉलिवूडचा सुपरस्टार शाहरुख खान, पश्चिम बंगालच्या मुख्यमंत्री ममता बॅनर्जी आणि क्रिकेटचा दिग्गज सौरव गांगुली यांचा समावेश होता.

या दौऱ्यात मेस्सीसोबत त्याचे सहकारी खेळाडू लुईस सुआरेझ आणि रोड्रिगो डी पॉल हे देखील भारतात आले आहेत. 'GOAT इंडिया टूर'मुळे कोलकाता शहरात सध्या उत्साहाचे आणि फुटबॉलप्रेमाचे वातावरण आहे.