पोलंड येथे सुरू असलेल्या जागितक युवा अजिंक्यपद स्पर्धेत भारताच्या तिरंदाजांनी वर्चस्व गाजवले. शनिवारी भारताच्या प्रिया गुर्जर, परनीत कौर आणि रिधु सेंथीलकुमार यांनी १८ वर्षांखालील कम्पाऊंड कॅडेट महिला संघाच्या अंतिम सामन्यात कमालीचे सातत्य राखत २२८-२१६ ने तुर्कीला हरवले. ( GOLD medal for India in Compound Cadet Women team event of World Archery Youth Championships.BEAT Turkey 228-216 in Final.)
भारताच्या १८ वर्षांखालील मुलींच्या याच संघानं पात्रता फेरीत विश्वविक्रमाची नोंद केली होती. परनीत कौर, प्रियागुर्जर व रिधु सेंथीलकुमार या खेळाडूंनी पात्रता फेरीत २१६०पैकी २०६७ गुणांची कमाई करताना विश्वविक्रम नोंदवला होता. आधीच्या विश्वविक्रमाच्या तुलनेत भारतीय संघानं २२ गुण अधिक कमावले होते.