Indian Women's Team Defeated Chinese Taipei In Women’s Kabaddi World Cup 2025 Final : महिला कबड्डी विश्व चषक स्पर्धेत भारताच्या लेकींनी इतिहास रचला आहे. १३ वर्षांनी आयोजित करण्यात आलेल्या महिला कबड्डी स्पर्धेतील दुसऱ्या हंगामात भारतीय महिला कबड्डी संघाने फायनल लढतीत चायनीज तैपेई (Chinese Taipei) संघाला ३५-२८ अशा फरकाने पराभूत केले. पहिल्या हंगामातील आपला दबदबा कायम राखत भारतीय महिला संघाने जेतेपदाचा यशस्वी बचाव करून दाखवला आहे. क्रिकेटच्या मैदानातील ऐतिहासिक कामगिरीनंतर आता कबड्डीतही भारताच्या लेकी जगात भारी ठरल्या आहेत.
'लोकमत'चं WhatsApp चॅनल फॉलो करा!
यंदाच्या हंगामात अपराजित राहून सलग दुसऱ्यांदा जिंकली कब्बडी वर्ल्ड कप स्पर्धा
बांगलादेश येथील ढाका येथे पार पडलेल्या महिला कब्बडी विश्वचषक स्पर्धेतील साखळी फेरीत भारतीय संघाने साखळी फेरीतील सर्वच्या सर्व चार लढती जिंकल्या होत्या. त्यानंतर भारतीय संघाने सेमीफायनलमध्ये तगड्या इराणच्या संघाला पराभूत करून फायनलचं तिकीट मिळवले होते. दुसरीकडे चायनीज तैपेई संघाने यजमान बांगलादेश संघाला पराभूत करत फायनल गाठली होती.
कबड्डी जगतात भारताच्या लेकींचा दबदबा
सलग दुसऱ्यांदा विश्वचषक जिंकत भारताच्या लेकींनी कबड्डी जगतात आपला दबदबा पुन्हा सिद्ध केला आहे. कर्णधार रितु नेगी आणि उपकर्णधार पुष्पा राणा यांच्या अनुभवी नेतृत्वात संघाने अप्रतिम खेळ करून दाखवला. चंपा ठाकूर, भावना ठाकूर आणि साक्षी शर्मा या तिघींनीही संपूर्ण स्पर्धेत चढाई आणि बचाव या दोन्ही विभागांत उत्कृष्ट कामगिरी करत संघाची ताकद अधिक भक्कम केली.
Web Summary : Indian women's kabaddi team clinched their second consecutive World Cup title, defeating Chinese Taipei 35-28 in the final. The team dominated the tournament, remaining undefeated and showcasing their strength in both offense and defense. India continues to dominate women's kabaddi on the world stage.
Web Summary : भारतीय महिला कबड्डी टीम ने चीनी ताइपे को 35-28 से हराकर लगातार दूसरी बार विश्व कप जीता। टीम पूरे टूर्नामेंट में अजेय रही और आक्रमण व रक्षा दोनों में अपनी ताकत दिखाई। भारत ने विश्व मंच पर महिला कबड्डी में अपना दबदबा कायम रखा।