नवी दिल्ली : पंतप्रधान नरेंद्र मोदी यांनी गुरुवारी कोरोना विषाणूविरुद्ध लढा देण्यासाठी रविवारी ‘जनता कर्फ्यू’ लागू करण्याचे आवाहन केल्यानंतर भारतीय खेळाडूंनीही या निर्णयास पाठिंबा दिला. कोरोना विषाणूविरुद्ध लढा देण्यासाठी सर्वांनी सहकार्य करावे, असा संदेश भारतीय खेळाडूंनी सोशल मीडियावरुन देशवासीयांना दिला.याविषयी भारतीय क्रिकेट संघाचा कर्णधार विराट कोहली याने ट्वीट केले की, ‘कोरोनाच्या धोक्यापासून वाचण्यासाठी सतर्क रहा, जागरुक रहा. जाबबादार नागरिक म्हणून आपण सर्व पंतप्रधान नरेंद्र मोदी यांनी दिलेल्या निर्देशांचे पालन करण्याची आवश्यकता आहे.’
फिरकी गोलंदाज रविचंद्रन अश्विनने म्हटले की, ‘मान्य करा किंवा नको, पण एक अरब लोकसंख्येच्या आपल्या देशाचे पंतप्रधान नरेंद्र मोदी यांचे म्हणणे ऐकण्याची गरज आहे.’
याशिवाय हरभजन सिंग, कुस्तीपटू योगेश्वर दत्त, विनेश फोगाट, साक्षी मलिक, हॉकीपटू राणी रामपाल यांनीही जनता कर्फ्यूला समर्थन दिले.