भारतीय अ‍ॅथलीट दुती चंदने तिची समलिंगी पार्टनर मोनालिसासोबत लग्न केले आहे. तिनी सोशल मीडियाच्या माध्यमाने आपल्या चाहत्यांना यासंदर्भात माहिती दिली आहे. तिने लग्नाचे फोटोही सोशल मीडियावर शेअर केले आहेत. दुतीने तिच्या समलिंगी संबंधांसंदर्भात फार पूर्वीच खुलासा केला होता. आता तिने याचे रुपांतर लग्नात केले आहे. दुतीने शेअर केलेल्या फोटोंना सोशल मीडियावर पसंतीही मिळत असून विविध प्रकारच्या प्रतिक्रियाही बघायला मिळत आहेत.
लग्नानंतर दुतीने ट्विटर आणि इंस्टाग्रामवर आपल्या पार्टनरसोबत फोटो शेअर केला आहे. तिने ट्विट करत लिहिले आहे, ''तुझ्यावर कालही प्रेम केलं आणि आताही करत आहे. प्रेन नेहमीच राहील.'' दुतीने शेअर केलेल्या या फोटोला ट्विटरवर जवळपास 10 हजार लोकांनी लाइक केले आहे. तर 200 हून अधिक लोकांनी यावर प्रतिक्रिया दिली आहे. सोशल मीडिया युजर्स दुतीच्या या निर्णयाचे कौतुकही करताना दिसत आहेत. दुतीने शेअर केलेल्या फोटोला इंस्टाग्रामवरही जवळपास 10 हजार लोकांनी लाईक केले आहे.
कॉमनवेल्थ गेम्स 2014 दरम्यान दुती चंदचे हार्मोन वाढल्याची चर्चा समोर आली होती. यानंतर तिच्यावर पुरुष असल्याचा आरोपही झाला होता. यामुळे ती 2014 च्या ओलिम्पिक गेम्समध्ये भाग घेऊ शकली नव्हती. मात्र, यानंतर तिला रियो ओलिम्पिकमध्ये खेळण्याची परवानगी मिळाली होती. 2018 च्या एशियन गेम्समध्ये दुतीने भारतासाठी दोन सिल्व्हर मेडल जिंकली आहेत. तिने एशियन चॅम्पियनशिपमध्येही ब्रॉन्ज मेडल जिंकले होते. दुतीने 2013 आणि 2017 मध्येही मेडल जिंकले आहेत.