रोड्रिगेजचा डबल धमाका

रोड्रिगेजने दोन शानदार गोल नोंदवित लुईस सुआरेजबाबतची चर्चा थांबविली. सामन्यापूर्वी उरुग्वेच्या या स्टार स्ट्रायकरने इटलीच्या जॉजिर्यो चिलिनी याचा चावा घेतल्याच्या घटनेची चर्चा होती. पण, माराकाना स्टेडियममध्ये सामना संपल्यानंतर सर्वाच्या ओठावर केवळ एकच नाव होते ते म्हणजे रोड्रिगेज. 

रोड्रिगेजच्या कामगिरीच्या जोरावर कोलंबिया संघाला प्रथमच उपांत्यपूर्व फेरीत स्थान मिळविता आले. त्यामुळे 4 जुलै रोजी खेळल्या जाणा:या लढतीच्या वेळी पूर्ण स्टेडियम पिवळ्या रंगात रंगलेले दिसणार असल्याचे निश्चित झाले. त्या दिवशी जोस पकरमॅनचा संघ पाचवेळा जेतेपदाचा मान मिळविणा:या यजमान संघाच्या आव्हानाला सामोरा जाणार आहे. उरुग्वेने सुआरेजच्या स्थानी डिएगो फोर्लानला संधी दिली, तर कोलंबियाचे प्रशिक्षक पॅकरमॅन यांनी सेंटर फॉरवर्ड ज्ॉक्सन मार्टिनेज व टियोफिलो गुटिरेज यांची निवड करीत सर्वाना आश्चर्याचा धक्का दिला. सुआरेजविना उरुग्वेचा संघ कमकुवत भासत होता. एडिनसन कवानीने त्याची उणीव भरून काढण्याचा प्रयत्न करताना सवरेत्तम खेळ केला, पण संघाचा पराभव टाळण्यात त्याचे प्रयत्न अपुरेच पडले. (वृत्तसंस्था)