Asian Games 2018: भारतीय नेमबाजांचा 'सुवर्ण' भेद पुन्हा हुकला

Asian Games 2018: \भारतीय नेमबाजांनी आशियाई स्पर्धेच्या दुसऱ्या दिवशी दोन रौप्यपदक जिंकून दिले.

जकार्ता - भारतीय नेमबाजांनी आशियाई स्पर्धेच्या दुसऱ्या दिवशी दोन रौप्यपदक जिंकून दिले. सकाळच्या सत्रात दीपक कुमारने 10 मीटर एअर रायफल प्रकारात, तर 19 वर्षीय लक्ष्य शेओरन याने पुरूषांच्या ट्रॅप प्रकारात रौप्यपदक जिंकले. अंतिम फेरीत साजेशी कामगिरी करण्यात अपयश आल्याने दोघांनाही 'सुवर्ण' भेद करता आला नाही. अगदी थोडक्यात त्यांचे सुवर्णपदक हुकले.

10 मीटर एअर रायफल प्रकारत दीपकने पात्रता फेरीतील सुमार कामगिरीनंतर अंतिम फेरीत जोरदार कमबॅक केले. त्याने 247.7 गुणांसह रौप्यपदकावर कब्जा केला. सुवर्णपदकाच्या शर्यतीत त्याने चीनच्या यांग हाओरानला कडवी झुंज दिली. चीनी खेळाडूने 249.1 गुणांच्या आशियाई स्पर्धा विक्रमासह सुवर्णपदक जिंकले. चायनीज तैपेईच्या लू शाओचूनने ( 226.8) कांस्यपदक जिंकले. भारताच्या रवी कुमारला चौथ्या स्थानावर समाधान मानावे लागले. 

Deepak Kumar clinched India’s third medal at the #AsianGames2018 by winning a silver in the Men’s 10m Air Rifle category. #WeLIVtoEntertainpic.twitter.com/xCjOTDIMLJ

— SonyLIV (@SonyLIV) August 20, 2018

पुरूषांच्या ट्रॅप प्रकारात लक्ष्य आणि अनुभवी मानवजीत सिंग संधू यांनी उल्लेखनीय कामगिरी केली. 30व्या फेरीपर्यंत मानवजीत आणि लक्ष्य यांनी अव्वल तिघांमध्ये स्थान कायम राखले होते, मात्र, पुढील पाच प्रयत्नांत मानवजीतचे तीन प्रयत्न हुकले आणि तो पदकशर्यतीतून बाद झाला. त्यामुळे लक्ष्यवर सर्व जबाबदारी आली. त्यानेही सुवर्णपदकाच्या शर्यतीत झेप घेतली. 

त्याच्यासमोर चायनीज तैपेईच्या यांग कुनपीचे आव्हान होते. लक्ष्यने अखेरच्या 15 प्रयत्नांत केवळ एकदाच अपयश आले आणि तेच त्याला महागात पडले. कुनपीचे 50 पैकी दोन नेम चुकले आणि त्याने विश्वविक्रमाची बरोबरी केली. कुनपीने 48 गुणांची कमाई केली आणि 2017 मध्ये स्पेनच्या अलबर्टो फर्नांडेझने विश्वविक्रम नोंदवला होता.

Two-times lucky, second Silver for India!! 🥈#Shooting brings another Silver for #TeamIndia as #Lakshay finished 2nd in Men's Trap event of the 18th #AsianGames. Great effort by the youngster as #ManavjeetSandhu finshed 4th in the same event. #Congratulations#IAmTeamIndiapic.twitter.com/HdCBLlPU0p

— Team India (@ioaindia) August 20, 2018

दरम्यान महिलांच्या ट्रॅप प्रकारात सीमा तोमरला अंतिम फेरीत सहाव्या स्थानावरच समाधान मानावे लागले. तिने 25 पैकी 12 गुणच कमावले. 

#TeamIndia's #SeemaTomar bowed out of the Women’s Trap Finals event earlier after managing just 12 out of 25 targets. Thereafter she was eliminated as China, Korea & Lebanon finished on the podium. #GreatEfforts by @seematomar_ to have made it to the Finals! 👏#IAmTeamIndiapic.twitter.com/FdDurSQDrw

— Team India (@ioaindia) August 20, 2018