मुंबई - आशियाई क्रीडा स्पर्धेतील कुस्ती संकुलात विनेश फोगटचा अंतिम सामना पाहण्यासाठी भारताचा अव्वल भालाफेकपटू नीरज चोप्रा कुस्ती संकुलात पोहोचला, तेव्हा त्याला ओळखणाऱ्या भारतीय पत्रकार आणि काही भारतीय प्रेक्षकांच्या भुवया उंचावल्या. काही वृत्तपत्रांनी लगेचच त्याचे आणि विनेशचे नक्कीच काही तरी प्रेमप्रकरण सुरू असल्याची चर्चा सुरू केली. पण, या वायफळ चर्चांना विनेशने त्वरित उत्तर दिले.
विनेशची अंतिम लढत पाहण्यासाठी भालाफेकपटू नीरज चोप्रा आणि त्याचा सहकारी, मीडिया प्रेस सेंटरमध्ये पोहोचले. मात्र, नीरजने ती लढत पूर्ण पहिलीच नाही. सामना जसा संपला तसा नीरज परत निघाला, पदक वितरणसाठी थांबलासुद्धा नाही. मात्र, त्याच्या उपस्थितीचा चुकीचा अर्थ लावण्यात आला आणि विनेशच्या उत्तरानंतर त्यानेही या वृत्ताचा समाचार घेतला.