योगसाधना ही भारतीय प्राचीन विद्या

प्राचीन काळापासून साधू-संत हे योग करीत असून योगसाधना ही आपणास त्यांच्याकडून मिळाली आहे. योग ही भारतीय प्राचीन विद्या असून आजच्या धकाधकीच्या जीवनात याचा वापर करणे खूप आवश्यक आहे

मुरुड/ नांदगाव / आगरदांडा : प्राचीन काळापासून साधू-संत हे योग करीत असून योगसाधना ही आपणास त्यांच्याकडून मिळाली आहे. योग ही भारतीय प्राचीन विद्या असून आजच्या धकाधकीच्या जीवनात याचा वापर करणे खूप आवश्यक आहे. योग विद्येचा प्रचार व प्रसार करण्यासाठी पंतप्रधान नरेंद्र मोदी यांनी पुढाकार घेऊन आंतरराष्ट्रीय स्तरावर याला मान्यता मिळावी यासाठी त्यांनी विशेष प्रयत्न के ले. आंतरराष्ट्रीय महासंघाने याला मान्यता दिली असून २१ जून या दिनी व्दितीय योग दिन साजरा करताना आपणास आनंद होत असल्याचे प्रतिपादन केंद्रीय अवजड उद्योगमंत्री अनंत गीते यांनी मुरु ड येथे केले.
सर एस. ए. हायस्कूल मुरु ड येथे हजारो विद्यार्थ्यांच्या उपस्थितीत अांतरराष्ट्रीय योग दिन साजरा करण्यात आला. यावेळी उपस्थितांना मार्गदर्शन करताना गीते म्हणाले की, योगामुळे शरीराला उत्तम व्यायाम मिळत असून आपण प्रत्येकाने आरोग्य सुदृढ राहण्यासाठी नित्य नियमाने योग करावा, असे आवाहन त्यांनी केले. मंगळवारी पहाटे अांतरराष्ट्रीय योग दिन मुरु ड सर एस. ए. हायस्कूल येथील भव्य पटांगणावर साजरा करण्यात आला. यावेळी नगराध्यक्षा स्नेहा पाटील, जिल्हा प्रमुख प्रकाश देसाई आदी उपस्थित होते. (वार्ताहर)

रोह्यात योग शिबिराला प्रतिसाद
रोहा : योग दिनानिमित्त आयोजित शिबिरात नागरिकांनी मोठ्या संख्येने सहभाग घेतला होता. भारतीय जनता पार्टी आणि रोहा अष्टमी नगरपालिकेतर्फे योग दिनाचे औचित्य साधून शहरातील दोन ठिकाणी योग शिबिराचे आयोजन केले होते. रोहेकरांनी मोठ्या संख्येने या शिबिरांचा लाभ घेतला. धकाधकीच्या आणि स्पर्धेच्या युगात शारीरिक व मानसिक स्वास्थ्य महत्वाचे आहे. असल्याचे नगराध्यक्ष समीर शेडगे यांनी सांगितले.

‘निरोगी आरोग्यासाठी योग उपयुक्त’
१अलिबाग : निरोगी आरोग्यासाठी योग उपयुक्त असून त्यामुळे ताणतणाव दूर होऊन मानसिक संतुलन कायम राखण्यास मदत होते. त्यासाठी सर्वांनी नियमित योगासने करावीत, असे आवाहन जिल्हाधिकारी शीतल तेली-उगले यांनी केले. संयुक्त राष्ट्र संघाने २१ जून हा आंतरराष्ट्रीय योग दिन म्हणून घोषित केला आहे. त्यानिमित्त मंगळवारी दुसरा आंतरराष्ट्रीय योग दिन जिल्ह्यात योग प्रशिक्षण प्रात्यक्षिक घेऊन साजरा करण्यात आला. त्यावेळी त्या बोलत होत्या.२जिल्हा प्रशासन, जिल्हा क्र ीडा संकुल समिती,पतंजली योग समिती यांच्या संयुक्त विद्यमाने दुसरा आंतरराष्ट्रीय योग दिन, योग प्रात्यक्षिके कार्यक्र म जिल्हा
क्र ीडा संकुल, नेहुली अलिबाग येथे आयोजित के ला होता. यावेळी जिल्हा परिषदेचे मुख्य कार्यकारी अधिकारी दिलीप पांढरपट्टे आदी उपस्थित होते. ३जिल्हा क्र ीडा अधिकारी माधव कसगावडे, चिटणीस जयराम देशमुख, जिल्हा माहिती अधिकारी डॉ. राजू पाटोदकर,माहिती अधिकारी विष्णू काकडे आदींनी या योग प्रात्यक्षिकात सहभाग घेतला. सुमारे एक तास योग प्रात्याक्षिकाचे धडे पतंजली योग समितीचे संजीव म्हात्रे यांनी दिले .

जनता विद्यालयात योग दिन साजरा
रसायनी: जागतिक योग दिन जनता विद्यालय व ज्यु. कॉलेजमध्ये विविध योगासने करून साजरा करण्यात आला. प्रथम पर्यवेक्षक एस. एस. पवार, मार्गदर्शक शिक्षक देवाजी काळे यांनी भारतीय संस्कृतीमधील योगाचे शारीरिक व मानसिक ताण दूर करण्यात महत्त्व, जागतिक योग दिनाचे महत्त्व सांगितले. विद्यार्थ्यांनी सकाळी ७.३० ते ९.१५ यावेळेत भारतीय बैठकीत बसून मार्गदर्शक शिक्षक देवाजी काळे यांच्या मार्गदर्शनाखाली सर्वांगासन, हलासन, वर्तुळासन, विपरितकरणी मुद्रासन, संतुलासन, चक्र ासन, पवनमुक्तासन, नटराजासन ही आसने केली. शिक्षकांनीही आसने केली. यावेळी प्रभारी मुख्याध्यापक डी.सी. सुपेकर, पर्यवेक्षक एस.एस. पवार, डी. सी. तायडे, बाबासाहेब फुंदे, डी.जी.वाघ, सी.के. ठाकरे आणि शिक्षकांनी योगासने घेण्यात सहकार्य केले.

योगासनाचे महत्त्व
कार्लेखिंड : आंतरराष्ट्रीय योग दिवस म्हणून २१ जून हा दिवस सर्वत्र साजरा करण्यात आला. या योगदिनामध्ये को. ए. सो. लिटील एंजल्स स्कूल, पेण या शाळेने सहभाग घेऊन शाळेतील इयत्ता दुसरी ते दहावीपर्यंतच्या अकराशे विद्यार्थी आणि सर्व सेवक वर्ग यांनी सहभाग घेतला. सुरुवातीला योगाचे महत्व शाळेच्या मुख्याध्यापिका मेरी जे. पिंक यांनी सांगितले. त्यानंतर शाळेतील शिक्षिका दर्शना पाटील यांच्या मार्गदर्शनाखाली श्लोक योगासनाचे प्रकार व शेवटी प्राणायाम घेण्यात आले.

न्यू इंग्लिश स्कूलमध्ये विद्यार्थ्यांना योगाचे धडे
म्हसळा : जगभरात योग दिन साजरा होत असताना म्हसळा येथील श्री स्वामी विवेकानंद शिक्षण संस्था न्यू इंग्लिश स्कूल व ज्युनियर कॉलेज यांच्या वतीने विद्या संकुलात आंतरराष्ट्रीय योगदिन उत्साहात साजरा करण्यात आला. यावेळी महाविद्यालयातील योग शिक्षक डी. आर. सूर्यवंशी यांनी आंतरराष्ट्रीय योग दिनाचे महत्व सांगताना पतंजली योग मुनी यांच्या अष्टांग योगाचे महत्व विषद केले. आर. के. पाटील यांनी योगाचे महत्व विशद करताना दररोज योग करावा हा कानमंत्र दिला.

तळा येथे आंतरराष्ट्रीय योग दिन उत्साहात साजरा
तळा : गोपीनाथ महादेव वेदक प्रतिष्ठानच्या जी. एम. वेदक कॉलेज आॅफ सायन्स तळा येथे २१ जून रोजी आंतरराष्ट्रीय योग दिवस उत्साही वातावरणात पार पडला. महाविद्यालयाच्या राष्ट्रीय सेवा योजना विभागातर्फे हा कार्यक्रम आयोजित करण्यात आला होता. प्राचार्य डॉ. एन. ए. डेग्वेकर, डॉ. व्ही. एस. रायकर, डॉ. एस. व्ही. जामदार आदींसह प्राध्यापक, शिक्षकेतर कर्मचारी व विद्यार्थी - विद्यार्थिनी यांनी सहभाग घेतला होता.

चार लाख विद्यार्थ्यांनी घेतला लाभ
अलिबाग : रायगड जिल्ह्यातील सुमारे साडेतीन हजार शाळांमध्ये जागतिक योग दिन साजरा करण्यात आला. चार लाख विद्यार्थ्यांनी यामध्ये सहभाग घेतला. केंद्रीय मंत्री अनंत गीते यांनी मुरु ड येथील शाळेतील विद्यार्थ्यांसह योग दिन साजरा केला. जिल्हा क्र ीडा संकुलातही जिल्हा प्रशासनातील अधिकारी, कर्मचाऱ्यांनी योगाचे धडे गिरवले. को.ए.सो.च्या चंंद्रकांत हरी केळुस्कर वैद्यकीय महाविद्यालय, जे.एस.एम. महाविद्यालयातही योग दिन साजरा करण्यात आला. सकाळी सात वाजता योगसाधनेला सुरु वात झाली. पतंजली योग समितीच्या माध्यमातून योग प्रात्यक्षिकांचे विविध ठिकाणी आयोजन करण्यात आले होते. याचा असंख्य नागरिकांनी लाभ घेतला. रेवदंडा: मुरुड-जंजिरा तालुक्यातील तळेखारमधील जिल्हा परिषदेच्या प्राथमिक शाळेत जागतिक योग दिन साजरा झाला. शाळेतील योग शिक्षिका वंदना गायकवाड यांनी विद्यार्थ्यांना मार्गदर्शन करून योगासनाची विविध आसने करून घेतली व आसनांचे फायदे सांगितले. याप्रसंगी सरपंच धर्मा पाटील, उपसरपंच धर्मा ठाकूर, पालक, शिक्षक प्रकाश पाटील, अमृत म्हात्रे, जीवन तेलंगे, अपेक्षा म्हात्रे उपस्थित होते.