अनंत पाटील लोकमत न्यूज नेटवर्क नवी मुंबई : महापालिका निवडणुकीत मतदारांना खूश करण्यासाठी प्रभागातील काही समाजसेवक, माजी नगरसेवकांसह इच्छुकांकडून थेट वातानुकूलीत रेल्वे, बस व विमानातून धार्मिक देवदर्शन, पिकनिक सहली, विविध वस्तूंच्या भेटी, वैद्यकीय आणि आरोग्य शिबिराच्या कार्यक्रमाला सुरुवात झाली आहे.
काही गर्भश्रीमंत भावी उमेदवारांकडून मतदारांना विविध वस्तूंचे वाटप आणि एसटी, वातानुकूलित रेल्वे व खासगी बसमधून देवदर्शन, पर्यटन सुरू आहे. वारकऱ्यांना थेट विमानातून काशी विश्वेश्वराच्या आणि अयोध्येला श्री प्रभू रामाच्या दर्शनाचा लाभ मिळाला आहे. निवडणुका अनेक वर्षे लांबल्यामुळे मतदारसंघात हवशे, नवशे आणि गवशे इच्छुकांची संख्या मोठ्या प्रमाणात वाढली आहे. या भाऊगर्दीत विजय पक्का करण्याची चढाओढ लागली आहे.
शिर्डी, महाबळेश्वर, गोवा अशा ठिकाणी पर्यटक खासगी बस भरून जात असल्याचे चित्र पाहावयास मिळते. नवी मुंबईतील नवख्या उमेदवारांसह काही माजी नगरसेवकांचे शहापूर, अलिबाग, नागाव, नेरे, वाजे, खोपोली, पाली, माणगाव, जाम्बुर्डे, कर्जत, मुरुड, जंजिरा, म्हाडस, मुरबाड, बदलापूर परिसरात फार्म हाऊस आहेत. या फार्म हाऊसवर खासगी बसमधून मतदारांचे पर्यटन घडविण्यात येत आहे. पर्यटन करणाऱ्यांमध्ये ज्येष्ठ नागरिकांचा सर्वाधिक भरणा आहे.
Web Summary : Navi Mumbai election hopefuls are enticing voters with religious trips, picnics, gifts, and medical camps. Wealthy candidates offer tours to destinations like Kashi and farmhouses, particularly targeting senior citizens, amidst increased competition due to delayed elections.
Web Summary : नवी मुंबई में चुनाव के उम्मीदवार मतदाताओं को धार्मिक यात्राओं, पिकनिक, उपहारों और चिकित्सा शिविरों से लुभा रहे हैं। धनी उम्मीदवार काशी जैसे स्थलों और फार्महाउसों की यात्राएं कराते हैं, खासकर वरिष्ठ नागरिकों को, चुनावों में देरी के कारण बढ़ती प्रतिस्पर्धा के बीच।