Navi Mumbai News | Latest Navi Mumbai News in Marathi | Navi Mumbai Local News Updates | ताज्यबातम्या नवी मुंबई | नवी मुंबई समाचार | Navi Mumbai Newspaper

- योगेश पिंगळेनवी मुंबई - नवी मुंबई शहराला पाणीपुरवठा करणाऱ्या महापालिकेच्या मोरबे धरण क्षेत्रात जून महिन्यात गेल्यावर्षीपेक्षा या वर्षी असमाधानकारक कमी पाऊस झाला आहे. कमी झालेल्या पावसामुळे शहरावर पाणीसंकट ओढवू नये यासाठी पाणीकपात करण्याचे संकेत महापालिकेच्या माध्यमातून देण्यात आले आहेत.नवी मुंबई शहरात मोरबे धरणातून पाणीपुरवठा केला जातो. जून महिन्यात विजांच्या कडकडाटात सुरु वात झालेल्या पावसाने गेल्या काही दिवसांपासून दडी मारली आहे. त्यामुळे शहरावर पाणीकपातीचे संकट उद्भवण्याची शक्यता निर्माण झाली आहे. महापालिकेच्या मालकीच्या मोरबे धरणाची पाणीसाठा करण्याची क्षमता १९0.८९ दशलक्ष घनमीटर असून, दररोज ३८0 ते ३९0 एमएलडी पाणीसाठ्याची शहराला गरज आहे. गेल्यावर्षी पावसाळ्यात पूर्णपणे भरलेल्या मोरबे धरणात ५८.६७ दशलक्ष घनमीटर पाणीसाठा शिल्लक असून, शिल्लक पाणीसाठा शहराला सुमारे १0 सप्टेंबरपर्यंत पुरणार आहे. गेल्या वर्षी जून महिन्यात मोरबे धरण क्षेत्रात ८८0 मिलीलिटर इतका पाऊस झाला होता. यावर्षी जून महिन्यातील अवघे काही दिवस शिल्लक असून जून महिन्यात आतापर्यंत केवळ ६२ मिलीलीटर पावसाची नोंद झाली आहे. त्यामुळे धरणात अपेक्षित पाणीसाठा जमा न झाल्याने शहरात पाणीकपातीचे महापालिकेने संकेत दिले आहेत. त्यामुळे नवी मुंबईकरांना पाणीकपातीला सामोरे जावे लागणार आहे.नासाडी थांबविण्यासाठी पथकाची नेमणूकनवी मुंबई शहरात पाण्याचे संकट येऊ नये यासाठी पाणीपुरवठा विभागाच्या कंत्राटदारांमार्फत पथक नेमण्यात येणार असून पाण्याची नासाडी थांबविण्यासाठी महापालिकेच्या माध्यमातून प्रयत्न केले जाणार आहेत.मोरबे धरण क्षेत्रात मागील वर्षी जून महिन्यात झालेल्या पावसाच्या तुलनेत या वर्षी जून महिन्यात कमी पाऊस झाला आहे. त्यामुळे जून महिन्याच्या सरासरीमध्ये धरणाची पातळी सुमारे चार मीटरपेक्षा कमी असून पावसाची परिस्थिती पाहून या आठवड्यात काही प्रमाणात पाणीकपात करण्याबाबत निर्णय घेणार आहोत.- डॉ.रामास्वामी एन.,महापालिका आयुक्त

Navi Mumbai (Marathi News)

वाशी स्थानकातला प्रकार : कारशेडला जाणाऱ्या लोकलची ठाणेला जाणारी लोकल अशी घोषणा ...

रायगड जिल्ह्यातील आठ ग्रामपंचायतीसाठी सार्वत्रिक तर काही ठिकाणी पोटनिवडणुकीसाठी २३ जून रोजी मतदान झाले. ...

रिक्षा व टॅक्सी चालकांच्या मागण्या मान्य करण्यास शासन टाळाटाळ करत असल्याने बंदची घोषणा केली आहे. ...

शासनाच्या उदासीनतेमुळे वाशी अग्निशमन विभागातील कर्मचाऱ्यांच्या आरोग्यासह जीविताला धोका निर्माण झाला आहे. ...