Navi Mumbai Marathi News | नवी मुंबई मराठी बातम्या | Latest Navi Mumbai News in Marathi | नवी मुंबई ताज्या बातम्या | Navi Mumbai Crime Marathi News | नवी मुंबई ब्रेकिंग न्यूज़| Breaking & Live Navi Mumbai News

सदानंद नाईक ल्ल उल्हासनगरगेल्या काही दिवसांपासून कमी दाबाने व अनियमित पाणीपुरवठा होत असल्याने शहराच्या विविध भागांत पाणीटंचाई निर्माण झाली असून पाणीपुरवठा विभागाचे कार्यकारी अभियंता कलई सेलवन यांना नगरसेवकांनी महासभेत धारेवर धरले आहे. पाणीटंचाईमुळे नागरिकांत असंतोष निर्माण झाला असून नगरसेवकांनी आंदोलनाचा इशारा दिला आहे.उल्हासनगर महापालिकेकडे स्वत:ची पाणीपुरवठा योजना नसल्याने पाण्यासाठी एमआयडीसीवर अवलंबून राहावे लागत असून तिच्या मनमानीचा फटका शहरवासीयांना बसून त्यांना पाणीटंचाईला नेहमी सामोरे जावे लागत आहे. महासभेत जोपर्यंत पालिका आयुक्त बालाजी खतगावकर उपस्थित राहत नाहीत, तोपर्यंत पाणीसमस्या निकाली निघू शकत नसल्याचे कारण पुढे करून गेल्या दोन महासभा रद्द करून पुढे ढकलल्या आहेत.गेल्या पालिका महासभेत माजी महापौर लीला अशान यांनी बैठे आंदोलन करून पाणीप्रश्नीप्रशासनाचे लक्ष वेधले होते. या आंदोलनानंतर एका आठवड्यात पाणीपुरवठा सुरळीत करण्याचे आश्वासन पालिका आयुक्त बालाजी खतगावकर यांनी दिले होते. मात्र, पाणीटंचाईची समस्या सुटण्याऐवजी टंचाईचे लोण शहरात पसरलेअसून विभागाविभागांत महिलांचेमोर्चे निघत आहेत. या प्रकाराने पालिका पाणीपुरवठा विभाग वादात सापडला आहे.तीन दिवस निर्माण झाली भीषण पाणीटंचाई४आठवड्याच्या प्रत्येक शुक्रवारी २४ तास पाणीपुरवठा बंद ठेवण्यात येत असल्याचा परिणाम पाणीपुरवठ्यावर होऊन गुरुवार, शुक्रवार, शनिवारी सलग तीन दिवस भीषण पाणीटंचाई निर्माण झाली आहे. एमआयडीसीकडून कमी दाबाने पाणीपुरवठा होत असल्याची माहिती विभागाचे कार्यकारी अभियंता कलई सेलवन यांनी दिली आहे.४शहरातील सुभाष टेकडी परिसर, राहुलनगर, रेणुका सोसायटी, कुर्ला कॅम्प, प्रेमनगर टेकडी परिसर, महादेवनगर, गायकवाडपाडा, नेताजी चौक, ओटी सेक्शन - भीमनगर, संभाजी चौक, दहाचाळ, भरतनगर, गजानननगर आदी परिसरांत भीषण टंचाई निर्माण झाली आहे. २७८ कोटींची पाणीपुरवठा योजना जोपर्यंत कार्यान्वित होत नाही, तोपर्यंत टंचाई कायम राहणार आहे.

Navi Mumbai (Marathi News)

रेल्वे आणि स्थानक परिसरात होणाऱ्या चोऱ्यांमध्ये बालगुन्हेगारही मागे नसल्याचे समोर आले आहे. ...