Navi Mumbai Marathi News | नवी मुंबई मराठी बातम्या | Latest Navi Mumbai News in Marathi | नवी मुंबई ताज्या बातम्या | Navi Mumbai Crime Marathi News | नवी मुंबई ब्रेकिंग न्यूज़| Breaking & Live Navi Mumbai News

नवी मुंबई : महापालिकेच्या निवडणुकीमध्ये आर्थिकदृष्ट्या संपन्न असणाऱ्या उमेदवारांनाच मतदारांची पसंती मिळाल्याचे स्पष्ट झाले आहे. १११ पैकी तब्बल ७३ जण करोडपती आहेत. गंभीर गुन्हे दाखल असलेल्या २० जणांचा विजय झाला असून, ४६ जण उच्चशिक्षित असल्याचे सर्वेक्षणातून उघड झाले आहे.नवी मुंबई महानगरपालिकेच्या निवडणुकीमध्ये तब्बल ५६८ उमेदवारांनी नशीब आजमावले होते. प्रतिष्ठेच्या निवडणुकीमध्ये सर्वच पक्षांनी उमेदवारी देताना सामाजिक कामापेक्षा आर्थिक स्थितीला प्रथम प्राधान्य दिले होते. यामुळेच २०० पेक्षा जास्त उमेदवारांची संपत्ती करोडपेक्षा जास्त होती. मतदारांनीही करोडपती उमेदवारांनाच अधिक प्राधान्य दिले आहे. असोसिएशन आॅफ डेमोक्रॅटीक रिफॉर्म (एडीआर) व महाराष्ट्र इलेक्शन वॉच या संघटनेने १०५ विजयी उमेदवारांचे सर्वेक्षण केले असून, त्यापैकी ६९ जण करोडपती असल्याचे निदर्शनास आले. ज्या सहा जणांचे सर्वेक्षण झालेले नाही त्यापैकी ४ जण करोडपती असल्यामुळे हा आकडा ७३ झाला आहे. करोडपती उमेदवारांचा दबदबा पाहिल्यानंतर निवडणुकीमध्ये पैशाला महत्त्व प्राप्त झाल्याचे स्पष्ट झाले आहे. संघटनात्मक काम, पक्षनिष्ठा, सामाजिक कामांपेक्षाही उमदेवारांकडे प्रचंड पैसे असणे महत्त्वाचे असल्याचा समज निर्माण झाला असून त्यावर या निवडणुकीनेही शिक्कामोर्तब केले आहे. काही अपवादात्मक ठिकाणी मात्र प्रामाणिक व आर्थिक स्थिती सामान्य असलेले उमेदवार निवडून आले आहेत.पालिका निवडणुकीमध्ये गंभीर गुन्हे दाखल असलेले ५३ जण उभे राहिले होते. त्यांच्यापैकी २० जण निवडून आले आहेत. निवडून आलेल्यांवर खून, खुनाचा प्रयत्न, बलात्कार व इतर अनेक गंभीर गुन्हे दाखल आहेत. गंभीर गुन्हे दाखल असलेले उमेदवार स्वत: निवडून आलेच शिवाय परिवारातील इतर सदस्यांनाही निवडून आणले आहे. आर्थिक क्षमतेपुढे शैक्षणिक पात्रताही दुय्यम ठरली आहे. उमेदवार निवडताना शिक्षणावर फारसे लक्ष दिले जात नाही. अनेक वेळा उमेदवारी अर्ज भरेपर्यंत पक्षाच्या नेत्यांनाही उमेदवाराच्या शिक्षणाची माहिती नसते. प्रतिज्ञापत्र सादर केल्यानंतरच अनेकांची शैक्षणिक माहिती समोर येते. (प्र्रतिनिधी)जिंकलेल्यांपैकी ६५ उमेदवार दहावी त्यापेक्षा कमी शिक्षण घेतलेले आहेत. ४६ पदवीधर आहेत. त्यात १ डॉक्टर, ३ अभियते आहेत. ४ जणांनी पदव्युत्तर शिक्षण घेतले आहे. पाचवीपेक्षा कमी शिक्षण असणारे ७ जण आहेत. ११ जण पाचवी तर १३ जण आठवीपर्यंत शिकले घेतलेले आहेत.पक्षनिहाय करोडपतीपक्ष नगरसेवकराष्ट्रवादी ३१शिवसेना २९काँगे्रस ६भाजपा ५अपक्ष २वयोगटाप्रमाणे तपशीलवय संख्या१ ते २४ ७२५ ते ३० १४३१ ते ४० २८४१ ते ५० ४१५१ ते ६० २०६१ ते ७० १शैक्षणिक पात्रताशिक्षण संख्याशिक्षित १५ वी ११८ वी १३१०वी २९१२वी २१पदवी १६व्यावसायिक पदवी ४पदव्युत्तर ६डॉक्टर १इतर ३

Navi Mumbai (Marathi News)