दहावीच्या विद्यार्थ्यांसाठी आयोजित व्याख्यानमालेचा समारोप

कार्यक्रमाचा सांगता समारंभ नवी मुंबई जिल्हा राष्ट्रवादी काँग्रेस पार्टीचे जिल्हाध्यक्ष चंद्रकांत पाटील यांच्या उपस्थितीत पार पडला.

नारायण जाधव, नवी मुंबई : स्व. डी. आर. पाटील साहेब व स्व. भोलानाथ पाटील यांच्या स्मरणार्थ आयोजित दहावीच्या विद्यार्थ्यांसाठी आयोजित व्याख्यानमाला-२०२४ चा सांगता समारंभ शनिवारी डॅा. सी. व्ही. सामंत विद्यालय, श्री रामतनु माता सभागृह तुर्भे येथे पार पडला. ३० जानेवारी २०२४ पासून ३ फेब्रुवारी २०२४ पर्यंत चाललेल्या व्याख्यानमालेत वर्षा चोपदार, राजेंद्र कदम, संदीप ठाकूर, भास्कर पोखरकर, कैलास नांगरे अशा तज्ज्ञ शिक्षकांचे मार्गदर्शन विद्यार्थ्यांना लाभले.

या कार्यक्रमाचा सांगता समारंभ नवी मुंबई जिल्हा राष्ट्रवादी काँग्रेस पार्टीचे जिल्हाध्यक्ष चंद्रकांत पाटील यांच्या उपस्थितीत पार पडला. यावेळी समाजसेविका कविताताई पाटील, संस्थेचे सचिव के. के. पाटील, जगदीश पाटील, सदस्य अंकुश पाटील, विकास मोकल, साईनाथ पाटील, महेश पाटील, रामदास पाटील, गजानन बेळमकर, राजू पावगे, शिवाजी ढवळे, युवा नेते विनित पाटील, शाळेचे मुख्याध्यापक सुनील कोळी, उपमुख्याध्यापिका विजया कोळी, प्राथमिकचे मुख्याध्यापक लक्ष्मण माळींसह विभागातील विद्यार्थी व त्यांचे पालक मोठ्या संख्येने उपस्थित होते.