तरुणाने स्वतःच्या सासूच्याच मोबाईलवर अश्लील व्हिडीओ क्लीप पाठवल्याची धक्कादायक हैदराबाद येथे घडली आहे. बायकोला आपल्या मनाविरुद्ध माहेरी नेल्याने संबंधित तरुणाने असं कृत्य केल्याची माहिती स्थानिक पोलिसांनी दिली आहे. संबंधित तरुणावर गुन्हा दाखल केला असून योग्य ती कारवाई करणार असल्याचे पोलिसांनी सांगितले.
मोहम्मद अक्रम पाशा याने सात महिन्यांपूर्वी परिसरात राहणाऱ्या एका तरुणीशी त्याचं लग्न झालं. मात्र लग्न झाल्यापासूनच क्षुल्लक कारणावरुन तो पत्नीला त्रास देत असे, अशी माहिती पोलिसांनी दिली. तसेच संबंधित तरुणीला माहेरी जाण्यासही तो मज्जाव करत असल्याचे तरुणीने सांगितले.
तेलंगणा टूडेच्या वृत्तानूसार, संबंधित तरुणी पाच महिन्यांची गर्भवती आहे. शनिवारी तो पत्नीला रेग्युलर चेकअपसाठी रुग्णालयात घेऊन गेला. त्यावेळी सासू देखील उपस्थित होती. तरुणीचं चेकअप झाल्यानंतर सासूने आपल्या मुलीला काही दिवसांसाठी माहेरी घेऊन जात असल्याचे सांगितले. मात्र संबंधित तरुणाने पत्नीला माहेरी घेऊन जाण्यास नकार दिला. मात्र त्यानंतरही सासू संबंधित तरुणीला माहेरी घेऊन गेली.
सासूच्या या कृत्याचा संबंधित तरुणाला खूप राग आला. त्याने याचा बदला घेण्याचे ठरविले. तो बायकोच्या माहेरी गेला आणि त्याने धमकावत शिवीगाळ केली. त्यासोबतच त्याने सासूच्या मोबाईलवर अश्लील व्हिडिओही पाठवण्यास सुरुवात केली. यानंतर सासूने ज्युबिली लाईन पोलिसात तक्रार दिल्यानंतर सोमवारी गुन्हा दाखल करण्याचा निर्णय घेतला.