धावत्या ट्रेनमध्ये एका महिलेसोबत वयोवृद्ध व्यक्तीने अश्लिल कृत्य केल्याचा व्हिडीओ सोशल मीडियावर सध्या प्रचंड व्हायरल होत आहे. छेडछाडीला वैतागलेल्या या महिलेने ट्रेनमध्ये गोंधळ घातल्यानंतर इतर प्रवाशांनी त्याला सीटवरून हटवलं. हा व्यक्ती महिलेला जाणूनबुजून चुकीच्या पद्धतीने स्पर्श करण्याचा प्रयत्न करत असल्याचं व्हिडीओमध्ये स्पष्ट दिसत आहे.
सहारनपूर-दिल्ली एक्सप्रेसमधली ही घटना आहे. संबंधित महिला ट्रेनच्या जनरल डब्ब्यातून प्रवास करत असताना तिच्या बाजूला हा व्यक्ती येऊन बसला. तो जाणूनबुजून या महिलेला चुकीच्या पद्धतीने कधी पायाला तर कधी इतरत्र कुठे स्पर्ष करण्याचा प्रयत्न करत होता. त्याचं हे कृत्य काही सहप्रवाशांच्या लक्षात आलं आणि त्यांनी व्हिडीओ रेकॉर्ड केला.
सुरूवातीला या महिलेने त्या व्यक्तीकडे दुर्लक्ष करण्याचा प्रयत्न केला, पण त्याचा गैरफायदा उचलत त्याने छेडछाडीचं प्रमाण वाढवलं, अखेर तिने आरडाओरडा घातला. तुझ्या घरी आई-बहिण नाहीयेका ? अशा शब्दांमध्ये तिने त्याला सुनवलं आणि सीटवरून उठण्यास सांगितलं. पण त्या व्यक्तीने उठण्यास नकार देत महिलेलाच उलट उत्तर देण्यास सुरूवात केली. अखेर प्रवाशांनी मध्यस्थी केली, त्यावेळी प्रवाशी आणि त्याच्यात बरीच बाचाबाची झाली, त्यानंतर त्या व्यक्तीला जागेवरून उठवण्यात आलं अशी माहिती आहे.
ट्रेनमध्ये महिलांसोबत होणा-या छेडछाडीच्या घटनांविरोधात कठोर कारवाई केली जात नसल्यामुळे अशा प्रकारच्या प्रवृत्ती आणि त्यांची हिंमत वाढत असल्याच्या प्रतिक्रिया सोशल मीडियावर उमटत आहेत.
पाहा व्हिडीओ -