नवी दिल्ली - पती- पत्नीमध्ये अनेकदा कौटुंबिक कारणांवरून वाद होत असतात. काही वेळा हे वाद विकोपाला देखील जातात अशीच एक घटना आता घडली आहे. उत्तर प्रदेशमध्ये पतीसोबत झालेल्या किरकोळ वादातून एका महिलेने टोकाचं पाऊल उचललं आहे. पतीचा एक शब्द जिव्हारी लागल्याने पत्नी खूप नाराज झाली होती. तिने ब्लेडने स्वतःची जीभ कापून रस्त्यावर फेकल्याची धक्कादायक घटना समोर आली आहे. उत्तर प्रदेशच्या (Uttar Pradesh) बिजनौर जिल्ह्यात ही भयंकर घटना घडली आहे. जिल्ह्यातील रसूलपूर नागला गावात हा प्रकार घडला
मिळालेल्या माहितीनुसार, पती पत्नीमध्ये काही तरी किरकोळ कारणांवरून वाद सुरू झाला. त्यांच्यातील भांडणामध्ये पतीने पत्नीवर ओरडत तिला वाद घालणारी म्हटलं आणि तोच शब्द पत्नीच्या जिव्हारी लागला. पतीच्या शब्दांमुळे दुखावलेल्या पत्नीने धक्कादायक पाऊल उचललं. ब्लेडने आपली जीभ कापून फेकून दिली. आरडाओरडा, गोंधळ सुरू असल्याचं पाहून लोकांनी त्यांच्या घराबाहेर मोठी गर्दी केली. या घटनेनंतर तातडीने महिलेला उपचारासाठी जवळच्या रुग्णालयात दाखल करण्यात आले.
पत्नीने उचललं टोकाचं पाऊल
बबली असं या महिलेचं नाव असून तिच्यावर सध्या अमरोहाच्या धनौरा येथील रुग्णालयात उपचार सुरू आहे. तिची प्रकृती गंभीर आहे. गावकऱ्यांनी दिलेल्या माहितीनुसार, या दाम्पत्याला दोन मुलं आहे. त्यांची आर्थिक परिस्थिती ही अत्यंत बिकट आहे. त्यामुळे त्यांच्या घरामध्ये देखील सतत भांडणं होत होती. यावेळी देखील त्यांचं भांडण झालं आणि पुढे त्यांच्यातील वाद विकोपाला गेला आहे. या घटनेने परिसरात एकच खळबळ उडाली आहे. या प्रकरणाचा अधिक तपास केला जात आहे. एका हिंदी वेबसाईटने याबाबतचे वृत्त दिले आहे.
बापरे! सासरी जाणाऱ्या नववधूला लागली तहान; पाणी आणण्यासाठी नवरदेव गेला अन् हैराण झाला
देशात फसवणुकीच्या अनेक घटना या सातत्याने समोर येत आहेत. अशीच एक धक्कादायक घटना समोर आली आहे. लग्नानंतर सासरी जाणाऱ्या नवरीने नवरदेवालाच गंडा घातल्याची घटना घडली आहे. नववधूने रस्त्यातच तहान लागल्याच कारण देत नवरदेवाला चकवा देत पळ काढला आहे. खूप शोधल्यानंतरही तिचा पत्ताच लागला नाही आणि या फसवणुकाची हा प्रकार उघड झाला. पीडित तरूण आणि त्याच्या वडिलांनी याप्रकरणी पोलिसांत तक्रार दाखल केली आहे. पोलीस या प्रकरणाचा अधिक तपास करत असून पसार झालेल्या नववधूचा शोध घेत आहेत.