दिल्लीतील लाल किल्ला परिसरात झालेल्या स्फोट प्रकरणाचा तपास सुरू आहे. दरम्यान, आता केंद्रीय मंत्री अमित शाह यांनी गंभीर इशारा दिला आहे. 'या स्फोटासाठी जबाबदार असलेल्यांना इतकी कठोर शिक्षा दिली जाईल की संपूर्ण जग त्यांना पाहेल', असा इशारा शाह यांनी दिला. गुजरातमधील मोतीभाई चौधरी सागर सैनिक शाळेत व्हिडीओ कॉन्फरन्सिंगद्वारे एका कार्यक्रमाला संबोधित करताना अमित शहा यांनी हे वक्तव्य केले. अशा घटनांविरुद्ध शून्य सहनशीलतेचे धोरण अवलंबले जाईल यावर त्यांनी भर दिला.
सोमवारी सायंकाळी लाल किल्ला मेट्रो स्टेशनजवळ एका हळू चालणाऱ्या i20 कारमध्ये स्फोट झाला होता. या घटनेत बारा जणांचा मृत्यू झाला आणि अनेक जण जखमी झाले. स्फोट इतका तीव्र होता की जवळील अनेक वाहनांचे मोठे नुकसान झाले, यामुळे परिसरात मोठ्या प्रमाणात नुकसान झाले. सध्या तपास यंत्रणा या घटनेचा तपास करत आहेत.
दिल्ली बॉम्बस्फोटाचा संबंध फरिदाबादमध्ये नुकत्याच उघड झालेल्या दहशतवादी नेटवर्कशी आहे. संशयित अनेक व्यक्तींना आधीच अटक करण्यात आली आहे. तपास संस्था फरार असलेल्यांचा शोध घेत आहेत. शिवाय, या घटनेनंतर फरिदाबादमधील अल फलाह विद्यापीठाची चौकशी सुरू झाली आहे.
दिल्ली स्फोट प्रकरणात पोलिसांची मोठी कारवाई
मिळालेल्या माहितीनुसार, डॉ. फारुकने हरियाणातील फरीदाबाद येथील अल-फलाह विद्यापीठातून एमबीबीएस आणि एमडी पदवी प्राप्त केली होती. तपास यंत्रणांना संशय आहे की, या विद्यापीठातील काही इतर डॉक्टरांप्रमाणेच डॉ. फारुकचेही दहशतवादी संघटनांशी संबंध असू शकतात. हापुडमधून त्यांना ताब्यात घेतल्यानंतर दिल्ली पोलिसांनी चौकशीसाठी दिल्लीला नेले असून, त्याच्याकडून अनेक धक्कादायक खुलासे होण्याची शक्यता व्यक्त केली जात आहे.
Web Summary : Amit Shah vows harsh punishment for those responsible for the Delhi blast, stating the world will witness it. Investigations link the blast to a Faridabad terror network. Several arrests have been made, and a university is under investigation due to suspected terror links.
Web Summary : अमित शाह ने दिल्ली विस्फोट के दोषियों को कड़ी सजा देने की चेतावनी दी, कहा दुनिया देखेगी। जांच में विस्फोट का संबंध फरीदाबाद के आतंकी नेटवर्क से जुड़ा है। कई गिरफ्तारियां हुई हैं, और आतंकी लिंक के संदेह में एक विश्वविद्यालय जांच के दायरे में है।