VIDEO: प्रदेश का नेता कैसा हो..? मुख्यमंत्र्यांसमोर घोषणा देताना भाजप नेता धडपडला; स्टेजवरून कोसळला
By ऑनलाइन लोकमत | Published: September 29, 2021 07:31 PM2021-09-29T19:31:37+5:302021-09-29T19:34:23+5:30
घोषणा देताना थेट व्यासपीठावरून खाली पडला भाजप नेता; व्हिडीओ व्हायरल
VIDEO: प्रदेश का नेता कैसा हो..? मुख्यमंत्र्यांसमोर घोषणा देताना भाजप नेता धडपडला; स्टेजवरून कोसळला
Next खरगोन: मध्य प्रदेशचे मुख्यमंत्री शिवराजसिंह चौहान यांच्यासमोर घोषणाबाजी करणारा भारतीय जनता पक्षाचा नेता व्यासपीठावरून कोसळला आहे. शिवराजसिंह चौहान झिंदाबाद अशा घोषणा देत असताना नेता व्यासपीठावरून खाली पडला. प्रदेश का नेता कैसा हो? अशी घोषणा देताच भाजप नेता खाली कोसळला. व्यासपीठ संपल्याचं लक्षात न आल्यानं हा प्रकार घडला. या घटनेचा व्हिडीओ सोशल मीडियावर व्हायरल झाला आहे. खरगोन जिल्ह्यातल्या एका कार्यक्रमात हा प्रकार घडला.
खरगोन जिल्ह्यात असलेल्या खंडवा लोकसभा मतदारसंघात शिवराजसिंह चौहान एका कार्यक्रमासाठी आले होते. जनदर्शन यात्रेच्या निमित्तानं कार्यक्रमाचं आयोजन करण्यात आलं होतं. मुख्यमंत्री चौहान यांनी व्यासपीठावरून जनतेला संबोधित केलं. शिवराज व्यासपीठावर येताच भीकनगावमधील भाजपचे नेते जगदीश जयस्वाल यांनी हातात माईक घेऊन जोरदार घोषणाबाजी सुरू केली.
#WATCH | Madhya Pradesh: A local BJP leader falls off the stage of an event which was organised for CM Shivraj Singh Chouhan in Khargone, following his 'Jandarshan yatra' from Jhiranya to Bhikangaon in Khargone district. CM Chouhan was also present on the stage. (27.09.2021) pic.twitter.com/GXQYNciWjC
— ANI (@ANI) September 29, 2021
जगदीश जयस्वाल घोषणाबाजी करण्यात गुंग झाले. त्या नादात व्यासपीठ नेमकं कुठे संपतंय, हीच बाब ते विसरले. त्यामुळे त्यांचा पाय व्यासपीठावरून घसरला. प्रदेश का नेता कैसा हो, अशी घोषणा देताच जायस्वाल मंचावरून खाली पडले. त्यावेळी नुकतचं चौहान यांचं व्यासपीठावर आगमन झालं होतं. आसपास असलेल्या लोकांनी जयस्वाल यांना उचललं. त्यांना कोणतीही गंभीर इजा झालेली नाही. हा व्हिडीओ सोशल मीडियावर व्हायरल झाला आहे.