LPG Supply Update : गेल्या काही दिवसांपासून देशात जाणवणारा एलपीजी (LPG) तुटवडा आता दूर होण्याची शक्यता निर्माण झाली आहे. 'शिवालिक' या जहाजानंतर आता 'नंदा देवी' हे दुसरे अजस्त्र जहाज ४७,००० मेट्रिक टनांहून अधिक गॅस घेऊन गुजरातच्या वडीनार बंदरात सुखरूप दाखल झाले आहे. मध्य-पूर्वेतील तणावाच्या पार्श्वभूमीवर हा भारताचा मोठा विजय मानला जात आहे.
इराण शक्तीहीन...! युद्धाच्या पहिल्या दिवसांत डागत होता शेकडो मिसाईल, ड्रोन; आता आकडा एकेरीवर आला...
शिवालिकने होर्मुझच्या सामुद्रधुनीतून सुरक्षित प्रवास केल्यानंतर, 'नंदा देवी' नावाचे आणखी एक जहाज एलपीजी घेऊन भारतात दाखल झाले आहे. 'नंदा देवी' ४७,००० मेट्रिक टनांहून अधिक द्रवीकृत पेट्रोलियम वायू (LPG) घेऊन वडीनार बंदरात दाखल झाले आहे. हे जहाज गुजरातमधील वडीनार बंदरात पोहोचले आहे. मध्य-पूर्वेतील वाढत्या संकटाच्या पार्श्वभूमीवर होर्मुझच्या सामुद्रधुनीतून प्रवास करणारे हे दुसरे जहाज आहे.
दोन्ही जहाजांमुळे गॅस टंचाई मिटणार
या दोन्ही जहाजांमुळे देशातील गॅस पुरवठ्याला मोठी बळकटी मिळणार आहे.
नंदा देवी: ४७,००० मेट्रिक टन LPG (वडिनार बंदर).
शिवालिक: ४६,००० मेट्रिक टन LPG (मुंद्रा बंदर).
होर्मुझच्या सामुद्रधुनीतून प्रवास यशस्वी
पर्शियन गल्फमधील वाढत्या युद्धसदृश परिस्थितीमुळे होर्मुझच्या सामुद्रधुनीतून प्रवास करणे अत्यंत जोखमीचे झाले होते. मात्र, भारतीय खलाशांनी धैर्याने हे दोन्ही टँकर भारतात आणले आहेत. मंत्रालयाचे विशेष सचिव राजेश कुमार सिन्हा यांनी दिलेल्या माहितीनुसार, पर्शियन गल्फमधील सर्व भारतीय खलाशी सुरक्षित असून कोणतीही अनुचित घटना घडलेली नाही.
तामिळनाडूलाही मिळणार मोठा हिस्सा
नंदा देवी जहाज गुजरातमध्ये दाखल झाल्यानंतर, त्यातील २४,००० मेट्रिक टन एलपीजी तातडीने तामिळनाडूच्या दिशेने रवाना केला जाणार आहे. यामुळे दक्षिण भारतात जाणवणारी टंचाई देखील लवकरच दूर होईल.
गॅसच्या रांगा संपणार, व्यावसायिकांना दिलासा
सध्या अनेक शहरांमध्ये गॅस वितरकांबाहेर ग्राहकांच्या लांबच लांब रांगा दिसत आहेत. लहान व्यावसायिकांना पुरवठ्याअभावी धंदा बंद करावा लागत होता. मात्र, ही दोन मोठी जहाजे वेळेत पोहोचल्यामुळे आता एलपीजी पुरवठा स्थिर होईल आणि तुटवड्याची भीती पूर्णपणे दूर होईल.
Web Summary : India's LPG shortage is set to ease as the 'Nanda Devi' ship safely arrived at Vadinar port with 47,000 metric tons of LPG. Following the 'Shivalik', this strengthens gas supply amidst Middle East tensions. Tamil Nadu will receive a significant portion, relieving distributors and consumers.
Web Summary : भारत में एलपीजी की कमी दूर होने वाली है क्योंकि 'नंदा देवी' जहाज 47,000 मेट्रिक टन एलपीजी लेकर वडीनार बंदरगाह पर सुरक्षित पहुंच गया है। 'शिवालिक' के बाद, यह मध्य पूर्व तनाव के बीच गैस आपूर्ति को मजबूत करता है। तमिलनाडु को एक महत्वपूर्ण हिस्सा मिलेगा, जिससे वितरकों और उपभोक्ताओं को राहत मिलेगी।