UP Election Result 2022: उत्तर प्रदेशसह एकूण पाच राज्यांच्या निवडणूक निकालाचे पहिले कल हाती येण्यास सुरुवात झाली आहे. विविध राजकीय पक्षांनी आपल्या विजयाचा दावा केला आहे. यूपीचे सुरुवातीचे कल पाहता भाजपानं सपाच्या तुलनेत बऱ्यापैकी आघाडी प्राप्त केली आहे. यातच भारतीय किसान यूनियनचे प्रवक्ते आणि शेतकरी नेते राकेश टिकैत यांनी भाजपावर जोरदार हल्ला केला आहे. जनता भाजपावर नाराज आहे आणि याचा काहीतरी परिणाम नक्कीच दिसेल, असं राकेश टिकैत म्हणाले.
"जेव्हा चोर बेईमान होतात तेव्हा लढाई तर होतेच. हे लोक चोरी करतात, बेईमानी करतात आणि गुंडही आहेत", असं राकेश टिकैत म्हणाले. आम्ही फक्त तुमच्या मर्जीनुसार मतदान करा असंच आवाहन करत आलो आहोत. जनता नाराज आहे आणि हे लोक जिंकणार नाहीत असं म्हणत आले आहेत. त्यामुळे याचा काहीतरी परिणाम पाहायला मिळेलच, असंही राकेश टिकैत म्हणाले. "जिल्हा पंचायत निवडणुकीसारखंच हे लोक बेईमानी करतील. मतमोजणी सुरू होण्याआधीच विजयाचा दावा ते करू लागले आहेत", असा हल्ला राकेश टिकैत यांनी केला.