राज्य हौशी नाट्यस्पर्धेची तिसरी घंटा नोव्हेंबरमध्ये

- ३१ ऑगस्ट प्रवेशिका पाठवण्याची अंतिम तारीख

- �

�१ ऑगस्ट प्रवेशिका पाठवण्याची अंतिम तारीख
पुणे : सांस्कृतिक कार्य संचालनालयाच्या वतीने घेण्यात येणारी ५५व्या हौशी मराठी नाट्य स्पर्धेची तिसरी घंटा नोव्हेंबरमध्ये वाजणार आहे. या स्पर्धेची प्राथमिक फेरी राज्यातील विविध केंद्रांवर १७ नोव्हेंबरपासून सुरू होणार असून ३१ ऑगस्टपर्यंत प्रवेशिका मागविण्यात आल्या आहेत.
हौशी मराठी नाट्य स्पर्धेबरोबरच १३व्या बालनाट्य स्पर्धेची प्राथमिक फेरी ७ डिसेंबरपासून राज्यातील एकूण पाच महसूली विभागात आयोजित करण्यात येणार आहे. याशिवाय संगीत तसेच हिंदी आणि संस्कृत भाषेतील नाट्य स्पर्धा डिसेंबर व जानेवारी दरम्यान होणार आहे. या स्पर्धांमध्ये सहभागी होऊ इच्छिणार्‍या नाट्य संस्थांनी ६६६.ेंँं१ं२ँ३१ं.ॅङ्म५.्रल्ल या संकेतस्थळावरील विहीत नमुन्यातील प्रवेशिका भरून पाठवणे आवश्यक आहे.
डीडी व आवश्यक कागदपत्रांसह ३१ ऑगस्टपर्यंत संचालक, सांस्कृतिक कार्य जुने सचिवालय, विस्तार भवन, पहिला मजला, महात्मा गांधी मार्ग, मुंबई-३२ या पत्यावर या प्रवेशिका पाठवाव्यात, असे आवाहन करण्यात आले आहे.