राजस्थानमधील बाडमेरमध्ये एक धक्कादायक घटना घडली आहे. येथे एक विवाहित तरुण आणि विवाहित महिलेमधील विवाहबाह्य संबंधांतून धक्कादायक घटना घडली आहे. दोघांच्या प्रेमप्रकरणाची माहिती त्यांच्या कुटुंबीयांना मिळाल्यानंतर सदर महिलेचा पती, सरपंच आणि इतर काही लोकांनी मिळून या तरुणाची बेदम मारहाण करून हत्या केली. या मारहाणीत मृत तरुणाचे वडील गंभीर जखमी झाले आहेत. आता या संपूर्ण प्रकरणाचा उलगडा झाल्यानंतर पोलिसांनी सरपंच, दोन महिलांसह ६ जणांना अटक केली आहे. या प्रकरणाची पुढील चौकशी सुरू आहे.
याबाबत पोलीस अधिकाऱ्यांनी सांगितले की, २४ मे रोजी रात्री बाडमेर शहरातील शिव नगर येथे मदनलाल आणि त्याचे वडील पतारामा हे दोघेही मदनच्या प्रेयसीच्या घडी झोपले होते. यादरम्यान या महिलेचा पती रावताराम, सरपंच बंशीराम यांच्यासह काही लोक तिथे पोहोचले. त्यानंतर सर्वांनी मदर आणि त्याच्या वडिलांवर जीवघेणा हल्ला केला.
त्यादरम्यान, तिथे आलेल्या लोकांनी मदनला बेदम मारहाण केली. तर त्याचे वडील पताराम यांना पाय मोडून गंभीर जखमी केले. त्यानंतर पोलिसांनी या प्रकरणातील मुख्य आरोपी रावतराम, सरपंच बंशीराम याच्यासह दोन महिलांना अटक करून कोर्टात हजर केले.
हत्या प्रकरणातील मुख्य आरोपी रावताराम आणि त्याच्या पत्नीमध्ये दीर्घकाळापासून मतभेद होते. यादरम्यान, प्रियकर मदनचे तिच्याकडे येणंजाणं सुरू झालं होतं. २४ मे रोजी या महिलेच पती तिला समजवून घरी घेऊन जाण्यासाठी सरपंच आणि अन्य लोकांसह आला होता. मात्र त्यावेळी त्याला तिच्या घरात मदन आणि तिचा पती पताराम भेटले. त्यावेळी या दोघांवर त्यांनी हल्ला केला. सध्या या प्रकरणी पोलिसांनी ६ आरोपांना अटक केली आहे.