सारांश
By Admin | Updated: July 19, 2015 21:34 IST2015-07-19T21:34:40+5:302015-07-19T21:34:40+5:30
सारांश
>फरस टाकळी येथे अतिक्रमण नागपूर : झिंगाबाई टाकळी फरस येथे विक्रेत्यांनी मोठ्या प्रमाणात रस्त्यावर अतिक्रमण केले आहे. यामुळे वाहतुकीस अडथळा निर्माण होऊन अपघात होण्याचा धोका वाढला आहे. पूजेचे साहित्य विकणारे, फळ विक्रेते आदींनी रस्त्यांवरच दुकाने थाटली आहेत. महापालिकेची थातूरमातूर कारवाई होते पण त्यानंतर पुन्हा अतिक्रमण होते. यावर स्थायी उपाय योजण्याची नागरिकांची मागणी आहे.टाकळीतील डीपीरोड पूर्ण कधी होणार ?नागपूर : झिंगाबाई टाकळी ते मानकापूर रिंग रोडला जोडणाऱ्या डीपीरोडचे काम अर्धवट झालेले आहे. गोधनी रोडवर मोठ्या प्रमाणात लोकवस्ती वाढली आहे. टाकळी येथून रिंग रोडवर येण्यासाठी डीपीरोडचे काम पूर्ण होणे आवश्यक आहे. मात्र, या रस्त्याचे बांधकाम अर्धवट झालेले आहे. त्यामुळे येथे सकाळी व सायंकाळी वाहतुकीची कोंडी होते. बहुतांश दुचाकी वाहनांना जुन्या वस्तीतून जावे लागते.
