शिरगुप्पी : बागलकोट जिल्ह्यातील मुधोळ येथील संत कनकदास चौकात कर्नाटक राज्य रयत संघटनेमार्फत आंदोलन सुरूच आहे. प्रश्न चिघळला असून, मुधोळ येथे ऊस घेऊन कारखान्याकडे चाललेले ट्रॅक्टरसह १५ वाहने पेटवून दिली.प्रतिटन तीन हजार पाचशे रुपये दर मिळावा, या मागणीसाठी आंदोलन सुरू आहे. मुधोळ शहरातील व्यावसायिकांनी आंदोलनाच्या समर्थनार्थ शहर बंदची हाक दिल्याने आज सकाळपासून शहरातील व्यवहार पूर्णपणे ठप्प झाले होते. मुधोळ शहर बंदला सर्वच शहरवासीयांनी उत्स्फूर्त प्रतिसाद दिला. गावातील सर्व व्यवहार अत्यावश्यक सेवा वगळता बंद राहिले.यावेळी शेतकरी संघटनेच्या माध्यमातून हजारो ट्रॅक्टर, बैलगाड्या घेऊन गावातील प्रमुख मार्गावरून रॅली काढण्यात आली. दरम्यान, कोणताही अनुचित प्रकार घडू नये म्हणून कडक पोलिस बंदोबस्त ठेवण्यात आला होता.व्यापारी, शाळा आणि महाविद्यालयीन विद्यार्थी, ऑटो असोसिएशन सदस्यांसह जवळजवळ सर्व स्तरातून बंदला प्रतिसाद मिळाला. बंद असला तरी आंदोलनामुळे शहरातील सर्व रस्त्यांवर वाहतूककोंडी झाली होती.
Web Summary : Sugarcane price protests in Mudhol, Karnataka, intensified with farmers torching 15 vehicles. Demanding ₹3,500 per ton, the protest led to a complete shutdown of the city, supported by businesses and residents. Thousands rallied, prompting heavy police presence amid traffic congestion.
Web Summary : कर्नाटक के मुधोल में गन्ने की कीमत को लेकर विरोध प्रदर्शन तेज हो गया, किसानों ने 15 वाहनों में आग लगा दी। ₹3,500 प्रति टन की मांग को लेकर प्रदर्शन के कारण शहर पूरी तरह से बंद हो गया, जिसे व्यवसायों और निवासियों का समर्थन मिला। हजारों लोगों ने रैली निकाली, जिससे यातायात जाम हो गया और भारी पुलिस बल तैनात किया गया।