2018 च्या UPSC परीक्षेत ऑल इंडिया रँक 11 मिळवणाऱ्या IAS अधिकारी पूज्य प्रियदर्शिनी यांची (IAS Pujya Priyadarshini) गोष्ट खूप प्रेरणादायी आहे. त्यांना तीन वेळा अपयश आले आणि त्यानंतर त्यांनी आशा सोडली. हा प्रवास थांबवण्याचा निर्णय घेतला. मात्र, घरच्यांच्या पाठिंब्याने त्यांनी आणखी एक प्रयत्न केला. यावेळी त्याचे नशीब चमकले आणि त्यांचे आयएएस अधिकारी होण्याचे स्वप्न पूर्ण झाले.
पूज्य प्रियदर्शिनी यांनी दिल्लीतून बी.कॉम पूर्ण केल्यानंतर न्यूयॉर्कच्या कोलंबिया विद्यापीठातून पब्लिक एडमिनिस्ट्रेशनमध्ये मास्टर डिग्री घेतली. त्यानंतर सुमारे दोन वर्षे एका कंपनीत काम केले. याच दरम्यान, त्या यूपीएससीची तयारी करत होत्या.
UPSC सक्सेस स्टोरी
पूज्य प्रियदर्शिनी 2013 मध्ये पहिल्यांदा UPSC सिव्हिल सर्व्हिसेस परीक्षेला बसल्या, पण त्या नापास झाल्या. त्यानंतर चांगल्या तयारीसाठी त्यांनी 3 वर्षांचा गॅप घेतला आणि 2016 मध्ये दुसरा प्रयत्न केला. यावेळी त्या मुलाखत फेरीपर्यंत पोहोचल्या, पण तिथे नाव अंतिम यादीत आले नाही. निराश होण्याऐवजी त्यांनी पुन्हा प्रयत्न करण्याचे ठरवले.
"कुटुंबीयांनी साथ दिली"
2017 मध्ये पूर्वपरीक्षेत यश मिळवण्याच्या इतक्या जवळ आल्यानंतर आणि तरीही नापास झाल्यानंतर, मनाला निराशेने ग्रासले. यानंतर त्यांनी यूपीएससीसाठी प्रयत्न करणे थांबवण्याचा निर्णय घेतला. या कठीण काळात त्याच्या कुटुंबीयांनी त्याला साथ दिली आणि त्याला आणखी एक प्रयत्न करण्यास तयार केले. यावेळी, स्ट्रेटजी कामाला आली आणि त्यांना यश मिळालं.
"नापास झालो तरी घाबरण्याची गरज नाही"
पूज्य प्रियदर्शिनी UPSC परीक्षेची तयारी करणाऱ्या उमेदवारांना कठोर परिश्रम आणि संयम बाळगण्याचा सल्ला देतात. परीक्षेची तयारी चांगली करावी आणि नापास झालो तरी घाबरण्याची गरज नाही, असे त्यांचे मत आहे. तुमच्या चुका सुधारा आणि पुन्हा प्रयत्न करा. तुम्ही कठोर परिश्रमाने UPSC ची तयारी केलीत तर तुम्ही नक्कीच यशस्वी व्हाल असं म्हटलं आहे. एका हिंदी वेबसाईटने याबाबतचे वृत्त दिले आहे.
सर्व ठळक बातम्यांसाठी जरूर वाचा महाराष्ट्रातील अव्वल मराठी वेबसाईट "लोकमत डॉट कॉम"