Sonia Gandhi: सोनिया गांधी यांना मातृशोक; पाओला माइनो यांनी इटलीत घेतला अखेरचा श्वास
By ऑनलाइन लोकमत | Published: August 31, 2022 06:11 PM2022-08-31T18:11:31+5:302022-08-31T18:23:26+5:30
Sonia Gandhi: सोनिया गांधींच्या आईचे इटलीमध्ये निधन झाले, काँग्रेस नेते जयराम रमेश यांनी निधनाची माहिती दिली.
Sonia Gandhi: सोनिया गांधी यांना मातृशोक; पाओला माइनो यांनी इटलीत घेतला अखेरचा श्वास
Next Sonia Gandhi Mother Death:काँग्रेस अध्यक्षा सोनिया गांधी यांच्या आईचे निधन झाल्याची माहिती समोर आली आहे. सोनिया यांच्या आई पाओला माइनो यांचे शनिवार (27 ऑगस्ट) रोजी इटलीतील त्यांच्या घरी निधन झाले. काँग्रेस महासचिव जयराम रमेश यांनी ट्विटरवरुन याबाबात माहिती दिली.
Smt. Sonia Gandhi’s mother, Mrs. Paola Maino passed away at her home in Italy on Saturday the 27th August, 2022. The funeral took place yesterday.
— Jairam Ramesh (@Jairam_Ramesh) August 31, 2022
ते म्हणाले की, सोनिया गांधी यांच्या आई पाओला माइनो यांना मंगळवार(31 ऑगस्ट) रोजी अंतिम निरोप देण्यात आला. दरम्यान, 24 ऑगस्ट रोजी काँग्रेसने सांगितले होते की, सोनिया गांधी राहुल गांधी आणि प्रियंका यांच्यासोबत परदेशात जात आहेत आणि भारतात परत येण्यापूर्वी त्या आपल्या आजारी आईची भेट घेतील.
— Congress (@INCIndia) August 31, 2022
राहुल आणि प्रियांका गेल्या काही वर्षांत अनेकवेळा त्यांच्या आजीला भेटायला जायचे. 2020 मध्ये राहुल गांधींना परदेश दौऱ्यांवरुन अनेकदा टीकेचा सामना करावा लागला होता. तेव्हा पक्षाने सांगितले होते की, 'एका आजारी नातेवाईकाला' भेटण्यासाठी इटलीच्या वैयक्तिक दौऱ्यावर आहेत.