शिलाँगमध्ये बेपत्ता झालेल्या कपल प्रकरणात नवनवीन खुलासे करण्यात येत आहेत. राजाचा मृतदेह सापडला पण सोनम अजुनही बेपत्ता आहे. सोनमचे वडील देवी सिंह रघुवंशी यांनी आता त्यांच्या मुलीच्या सुरक्षेसाठी आध्यात्मिक उपायांचा अवलंब केला आहे. देवी सिंह यांनी मुलीचा फोटो घराबाहेर उलटा लटकवला आहे. ज्योतिषाचा सल्ला घेतल्यानंतर त्यांनी हे पाऊल उचलल्याचं म्हटलं आहे. त्यांना आशा आहे की, या उपायाने त्यांची मुलगी सुरक्षितपणे घरी परतेल.
देवी सिंह यांनी आपल्या वेदना व्यक्त केल्या आहेत. "मुलगा गेला आहे. आता फक्त चमत्कारच मुलीला वाचवू शकतो. संपूर्ण कुटुंबाच्या आशा आता देवावर आणि मुलीच्या नशिबावर आहेत. मुलगी आणि जावई २१ मे रोजी कोणालाही न सांगता फिरायला गेले होते. मी ज्योतिषाचा सल्ला घेतला होता आणि ५ जूनचा शुभ मुहूर्त मिळाला होता. मुलांनी कोणालाही न सांगता हनिमूनचं प्लॅनिंग केलं होतं."
नवा ट्विस्ट! राजा-सोनम हनिमूनसाठी शिलाँगला जाणारच नव्हते, अचानक का बदलला प्लॅन?
"माझी हत्या झालीय", भावाच्या स्वप्नात आला राजा; कुटुंबीयांनी केली CBI चौकशीची मागणी
"सोनमकडे दागिने आणि रोख रक्कम होती"
"२१ मे रोजी सकाळी राजा सोनमला सोबत घेऊन जात असल्याचं समजलं. ते कामाख्या देवीच्या दर्शनासाठी जाणार असल्याचं सांगण्यात आलं, त्यानंतर ते शिलाँगला पोहोचले. सोनमकडे दागिने आणि रोख रक्कम होती. ती मंगळसूत्र, चेन, अंगठी असे दागिने घेऊन प्रवासाला निघाली होती. कोणाचा तरी वाईट हेतू असावा. कामाख्या देवी मंदिरात दर्शन घेतल्यानंतर एका अज्ञात व्यक्तीने जोडप्याला शिलाँगला जाण्याचा सल्ला दिला" असं सोनमच्या वडिलांनी म्हटलं आहे.
सस्पेन्स वाढला! राजा आणि सोनमचं मेघालयमध्ये झालं भांडण? भावाला आल्या धमक्या
सोनमचे वडील देवी सिंह रघुवंशी यांनी माध्यमांशी बोलताना दावा केला आहे की, त्यांचा मुलगा गोविंदला शिलाँगमध्ये धमक्या दिल्या जात आहेत. स्थानिक प्रशासन सहकार्य करत नाही. आम्ही त्याच्या सुरक्षेसाठी येथून लोक पाठवले आहेत. तसेच राजा आणि सोनमचा तिथल्या कॅफे ऑपरेटरशी वाद झाल्याचाही कुटुंबाला संशय आहे.