सिंगल...
By Admin | Updated: August 12, 2015 00:35 IST2015-08-12T00:35:58+5:302015-08-12T00:35:58+5:30
सिंगल...
>पोलीस कर्मचाऱ्याच्या मुलाचे अपहरण बेदम मारहाण : निर्जन ठिकाणी फेकलेनागपूर : पोलीस कर्मचाऱ्याच्या मुलाचे अपहरण करून त्याला जखमी अवस्थेत निर्जन ठिकाणी फेकून देण्यात आल्याची घटना उघड झाल्यामुळे सर्वत्र खळबळ निर्माण झाली आहे. स्वानंद शिरीश वऱ्हाडपांडे (वय १७) असे त्याचे नाव असून, तो बिंझाणी महाविद्यालयात १२ वीचा विद्यार्थी आहे. त्याचे वडील पोलीस विभागात फोटोग्राफर आहेत.मंगळवारी दुपारी महाविद्यालय संपवून तो एका मित्राला सोडण्यासाठी मानेवाड्यात गेला. सिध्देश्वर मंगल कार्यालयाजवळ मित्राला सोडल्यानंतर तो बेपत्ता झाला. दरम्यान, दुपारचे ३ वाजले तरी तो परतला नाही, त्यामुळे आईवडिलांनी त्याच्या मोबाईलवर संपर्क केला. तो बंद असल्यामुळे त्याच्या मित्रांकडे चौकशी करण्यात आली. मानेवाड्यातील मित्राने स्वानंद आपल्याला सोडून दुपारी १२ च्या सुमारास गेल्याचे सांगितले. त्यामुळे पालकांमध्ये घबराट निर्माण झाली. त्याची शोधाशोध सुरू असतानाच दुपारी ४ च्या सुमारास उमरेड टोल नाक्याजवळ शेतात एक युवक जखमी अवस्थेत आढळला. ही माहिती पोलिसांना कळविण्यात आली. स्वानंदची शोधाशोध सुरू असतानाच जखमी युवकाचे वर्णन त्याच्याशी मिळतेजुळते असल्यामुळे शिरीश वऱ्हाडपांडे घटनास्थळी पोहचले. तो स्वानंदच असल्याचे स्पष्ट झाल्यानंतर त्याला सक्करदरातील इस्पितळात दाखल करण्यात आले. स्वानंदचे अपहरण करून त्याला जखमी करणारे कोण, त्याबाबत स्वानंदला काहीही आठवत नाही. उशिरा रात्रीपर्यंत या अपहरण प्रकरणाचा खुलासा झालेला नव्हता.---
