थोडक्यात नागपूर

व�

��मा कर्मचारी व अधिकारी यांची निदर्शने
नागपूर : सार्वजनिक क्षेत्रातील साधारण विमा कंपन्यात कार्यरत कर्मचारी व अधिकारी यांनी लंबित वेतन पुनर्निधारण त्वरित देण्यात यावे, १९९५ च्या पेन्शन स्कीमनुसार पेन्शनची निवड करण्याची कर्मचाऱ्यांना संधी द्यावी आणि तृतीय व व चतुर्थ श्रेणी कर्मचाऱ्यांना पदोन्नती धोरणात सुधारणा करण्यात यावी या मागणीसाठी देशभर १५ जुलै रोजी विरोध प्रदर्शन केले. साधारण विमा कंपन्यात कार्यरत कर्मचारी युनियन व असोसिएशन यांच्या संयुक्त फोरमने दिलेल्या कार्यक्रमानुसार हा कार्यक्रम पार पडला. ८ जुलैपासून प्रत्येक बुधवारी कर्मचारी आपल्या मागण्यांसाठी विरोध प्रदर्शन करणार आहेत. नागपूरला नॅशनल इन्शुरनंस कंपनीच्या धरमपेठ एक्सटेन्शनस्थित प्रादेशिक कार्यालयात विरोधी घोषणांनी कर्मचाऱ्यांनी परिसर दणाणून सोडला. याप्रसंगी परशुराम बारिक, अनंत बोरेकर, नीलेश कोठारे, रवींद्र पडीगेल यांनी कर्मचाऱ्यांना संबोधित केले. या आंदोलनात सर्व कर्मचारी उपस्थित होते.
----------------
सर्वाधार ज्येष्ठ नागरिक मंडळाचा वर्धापन दिन
नागपूर : पावनभूमी येथील सर्वाधार ज्येष्ठ नागरिक मंडळाचा ११ वा वर्धापन दिन सोहळा पावनभूमी येथील संस्थेच्या सभागृहात साजरा करण्यात आला. याप्रसंगी विभागीय अध्यक्ष वि. ल. उपाध्ये अध्यक्षस्थानी होते. कार्यक्रमाला न्या. मीरा खडक्कार, जयश्री वाडीभस्मे, फेस्कॉमचे विभागीय सचिव खर्चे याप्रसंगी प्रामुख्याने उपस्थित होते. मंडळाचे अध्यक्ष नरेंद्र खंते यांनी प्रास्ताविक तर विजय यंगलवार यांनी अहवाल वाचन केले. कार्यक्रमात वयाची ७५ वर्षे पूर्ण केलेल्या मंडळाच्या सभासदांचा सत्कार करण्यात आला. यात निळकंठ भुमराळकर, वामन पाटील, चक्रपाल ठाकरे, अरुण दाणी, सुधाकर कानगो, कृष्णकुमार रघुवंशी, मारोती काकोडे, जयराम जठार, सुरेश सदावर्ते, शरद चुटे यांचा त्यांच्या अर्धांगिनीसह सत्कार करण्यात आला. अनुपमा एकनाथ उगलेमुगले यांनी कार्यक्रमाचे संचालन केले. मोकदम यांनी आभार मानले. कार्यक्रम यशस्वी करण्यासाठी विजय यंगलवार, नक्करवार, जेंगटे, जुगजे, गव्हाळे, जोशी, जुमडे आदींनी परिश्रम घेतले.