Shabrimala: The Resolution Center should read it closely | शबरीमला : निकालपत्र केंद्राने बारकाईने वाचावे
शबरीमला : निकालपत्र केंद्राने बारकाईने वाचावे

नवी दिल्ली : शबरीमला खटल्यात दिलेल्या निकालाला विरोध करून दोन न्यायाधीशांनी दिलेले असहमतीचे निकालपत्र अतिशय महत्त्वाचे असून, ते केंद्र सरकारने बारकाईने वाचले पाहिजे, असे न्या. रोहिंग्टन नरिमन यांनी शुक्रवारी सांगितले.
शबरीमला येथील आय्यप्पा मंदिरामध्ये सर्व वयोगटांच्या महिलांना प्रवेश द्यायचा की नाही, यासंदर्भात सर्वोच्च न्यायालयाच्या पाच न्यायाधीशांच्या खंडपीठाने गुरुवारी दिलेला निकाल एकमताने झाला नाही. सरन्यायाधीश रंजन गोगोई, न्या. अजय खानविलकर, न्या. इंदू मल्होत्रा या तीन न्यायाधीशांनी हा खटला सात न्यायाधीशांच्या खंडपीठाकडे वर्ग केला, तर न्या. रोहिंग्टन नरिमन व न्या. धनंजय चंद्रचूड यांनी त्यास विरोध करून असहमतीचे स्वतंत्र निकालपत्र लिहिले. न्या. रोहिंग्टन नरिमन यांनी सॉलिसिटर जनरल तुषार मेहता यांना सांगितले की, निकालपत्र अधिकाऱ्यांना बारकाईने वाचायला सांगा.

Web Title: Shabrimala: The Resolution Center should read it closely

Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.