लखनऊ: लखनऊच्या अमौसी विमानतळावर आज दुपारी सौदी एअरलाईन्सच्या विमानाचे आपत्कालीन लँडिंग करण्यात आले. उड्डाण केल्यानंतर काही वेळातच विमानात तांत्रिक बिघाड झाल्याचे वैमानिकाच्या लक्षात आले, त्यानंतर तातडीने लँडिंगचा निर्णय घेण्यात आला. या विमानातील सर्व ३०० प्रवासी आणि क्रू मेंबर्स सुरक्षित आहेत.
सौदी एअरलाईन्सचे हे विमान लखनऊहून सौदी अरेबियाकडे झेप घेणार होते. मात्र, टेक-ऑफ होताच विमानात काही तांत्रिक त्रुटी असल्याचे संकेत मिळाले. वैमानिकाने एअर ट्रॅफिक कंट्रोलला तातडीने माहिती दिली. यानंतर विमानतळावर रुग्णवाहिका आणि अग्निशमन दलाच्या गाड्या तैनात करून 'हाय अलर्ट' जारी करण्यात आला. त्यापूर्वी वैमानिकाने मुंबई विमानतळाकडे आपत्कालीन परिस्थितीत उतरण्याची परवानगी मागितली होती. परंतू ती नाकारण्यात आल्याने विमानाला परत लखनौकडे वळविण्यात आले.
विमान मुंबईच्या हवाई क्षेत्रात पोहोचले असताना अचानक केबिनमधील हवेचा दाब कमी झाला होता. सौदी एअरलाईन्सचे फ्लाइट क्रमांक SV-891 हे विमान लखनौहून जेद्दाहला निघाले होते. केबिन प्रेशर कमी झाल्याने प्रवाशांना श्वास घेण्यास त्रास होऊ लागला होता. सुमारे २७५ प्रवासी विमानातून प्रवास करत होते. तब्बल ८२ मिनिटे हा थरार सुरु होता. तांत्रिक बिघाड दुरुस्त केल्यानंतर विमानाने पुन्हा जेद्दाहसाठी उड्डाण केले.
धावपट्टीवर काही काळ विस्कळीत वाहतूक
या इमर्जन्सी लँडिंगमुळे लखनऊ विमानतळावरील इतर विमानांच्या वेळापत्रकावरही परिणाम झाला. काही विमानांना हवेतच घिरट्या घालाव्या लागल्या, तर काही विमानांचे उड्डाण लांबणीवर पडले.
Web Summary : A Saudi Airlines plane made an emergency landing in Lucknow due to a technical fault. Mumbai denied landing permission. The plane, en route to Jeddah, experienced cabin pressure loss, causing passenger distress. All passengers and crew are safe, and the flight resumed after repairs.
Web Summary : तकनीकी खराबी के कारण सऊदी एयरलाइंस के विमान ने लखनऊ में आपातकालीन लैंडिंग की। मुंबई ने लैंडिंग की अनुमति नहीं दी। जेद्दाह जा रहे विमान में केबिन प्रेशर कम होने से यात्रियों को परेशानी हुई। सभी यात्री और चालक दल सुरक्षित हैं, और मरम्मत के बाद उड़ान फिर से शुरू हुई।