नवी दिल्ली : लोकलमधून पडून अपघात होण्याचे प्रकार नेहमीचेच झाले आहेत. यामुळे मेट्रो ही सर्वात सुरक्षित समजली जात होती. मात्र, दिल्लीतील आजची एक घटना थरकाप उडविणारी होती. दिल्ली मेट्रोच्या दरवाजामध्ये एका महिलेच्या साडीचा पदर अडकल्याने ही महिला मेट्रोसोबत फरपटत गेली. यामुळे तिच्या डोक्याला मार लागला आहे.
ही महिला आपल्या मुलीसह नवादा येथून येत होती. यावेळी मेट्रोतून उतरल्यानंतर स्वयंचलित दरवाजामध्ये तिच्या साडीचा पदर अडकला. दरवाजा बंद झाल्याने पदर तिला सोडविता आला नाही आणि मेट्रो सुरु झाली. यामुळे ही महिला खाली प्लॅटफॉर्मवर पडली आणि मेट्रोसोबत फरफटत गेली.
महिलेचे पती जगदीश प्रसाद यांनी सांगितले की, तिला वाचविल्यानंतर हॉस्पटलमध्ये भरती केल्याचा फोन करण्यात आला. मुलीने हा फोन केला.