संभाजीराजे पतसंस्थेची चौकशी करा

गडहिंग्लजच्या सहायक निबंधकांकडे मागणी

ग�

��हिंग्लजच्या सहायक निबंधकांकडे मागणी
गडहिंग्लज येथे सहायक निबंधक ए. एच. भंडारे यांना निवेदन देताना नारायण देवार्डे व अशोक शिंदे. शेजारी श्रीपती भोसले, काशीनाथ पाटील, आप्पासाहेब क˜ीकर, आदी.
क्रमांक : १००५२०१४-गड-०७
गडहिंग्लज :
गडहिंग्लज येथील श्री छत्रपती संभाजीराजे नागरी सहकारी पतसंस्थेच्या विद्यमान संचालक मंडळाच्या मनमानी व बेकायदेशीर कारभाराची चौकशी करावी, अशी मागणी संस्था बचाव समितीतर्फे निवेदनातून येथील सहायक निबंधकांकडे करण्यात आली आहे.
निवेदनात म्हटले आहे, गडहिंग्लज नगरपालिका हद्दीतील मिळकत नंबर रि. स. नं. ११८/१ ब क्षेत्र ०.०६ आर म्हणजेच ४२७.५० चौ. मी. व घर नंबर ३८०९ ही आर. सी. सी. इमारत याचे क्षेत्रफळ ८१.६ चौ. मी. ही मिळकत संस्थेच्या मालकीची म्हणजेच सभासद व ठेवीदारांच्या मालकीची आहे.
तथापि, संस्थेचे अध्यक्ष वसंतराव पाटोळे, उपाध्यक्ष अशोक देशपांडे, सचिव सदाशिव चोथे यांनी एकमेकांशी संगनमत करून स्वत: संस्थेकडील येणे कर्जे वसुलीबाबत कोणतीही कारवाई केली नाही. गेली १२ वर्षे एकहाती मनमानी कारभार करून संस्था अडचणीत आणली व संस्थेची खुली जागा व इमारत परस्पर हडप करण्याच्या इराद्याने सभासद व ठेवीदारांना विश्वासात न घेता खुली जागा व इमारत कवडीमोलाने विक्री करण्याचा फार्स केला आहे.
या प्रकारामुळे संस्थेचे, सभासद व ठेवीदारांचे नुकसान झाले आहे. या बेकायदेशीर व्यवहाराची चौकशी करून तो व्यवहार रद्द करावा आणि दोषी संचालक मंडळांवर कठोर कारवाई करावी, अशी मागणी निवेदनातून करण्यात आली आहे.
निवेदनावर आप्पासाहेब क˜ीकर, श्रीपती भोसले, काशीनाथ पाटील, आप्पासाहेब पाटील, नारायण देवार्डे, रामा बागडी, शामराव देसाई, संदीप सावरतकर यांच्या स्वाक्षर्‍या आहेत. (प्रतिनिधी)
प्रतिक्रिया

व्यवहार कायदेशीरच, बदनामी नको
संस्था इमारत व जागा विक्रीचा व्यवहार सहायक निबंधकांच्या परवानगीनेच रितसर कोटेशन मागवून केला आहे. स्वत:च्या व समर्थकांच्या ठेवी काढून घेऊन संस्था अडचणीत आणलेल्या आणि थकबाकीदारांनीच चौकशीची मागणी करणे म्हणजे मोठा विनोदच आहे, हा केवळ बदनामीचा प्रयत्न आहे. कोणत्याही चौकशीस सामोरे जाण्याची आपली तयारी आहे.
- वसंतराव पाटोळे, अध्यक्ष-श्री संभाजीराजे नागरी सहकारी पतसंस्था, गडहिंग्लज.