साक्षी मलिकचा साखरपुडा

रिओ आॅलिम्पिकमध्ये कास्यपदक मिळवणारी महिला पहिलवान साक्षी मलिकचा रविवारी पहिलवान बॉयफ्रेंड सत्यव्रत कादियान याच्या रोहतकस्थित निवासस्थानी

ऑनलाइन लोकमत 

नवी दिल्ली : रिओ आॅलिम्पिकमध्ये कास्यपदक मिळवणारी महिला पहिलवान साक्षी मलिकचा रविवारी पहिलवान बॉयफ्रेंड सत्यव्रत कादियान याच्या रोहतकस्थित निवासस्थानी साखरपुडा झाला.

याआधी ही २४ वर्षीय महिला पहिलवान मिडियात सत्यव्रतविषयी बोलली होती. सत्यव्रतचे वडील अर्जुन पुरस्काराने सन्मानित आहेत. ते म्हणाले, ‘हा कौटुंबिक सोहळा होता. फक्त मुली आणि मुलींच्या कुटुंबातील सदस्यांनी या सोहळ्यात सहभाग घेतला होता आणि सोहळा चांगला झाला.’

सत्यव्रत २२ वर्षांचा असून तो साक्षीपेक्षा दोन वर्षांनी लहान आहे. तो त्याच्या वडिलांच्या रोहतक येथील आखाड्यात ट्रेनिंग करतो आणि त्याने २0१0 मध्ये युथ आॅलिम्पिकमध्ये कास्यपदक जिंकलेले आहे. या दोघांचे कुस्ती स्पर्धेदरम्यान एकमेकांवर प्रेम जडले होते. सत्यव्रतविषयी साक्षीने याआधीच सत्यव्रत खूप सहकार्य करतो आणि माझे स्वप्न तो स्वत:चे समजतो, असे सांगितले होते.