Rajya Sabha Elections: राज्यसभेच्या 37 जागांसाठी निवडणूक जाहीर झाली असून, येत्या 16 मार्च रोजी मतदान आणि त्याच दिवशी निकाल लागणार आहेत. सध्या या 37 पैकी 12 जागा NDA कडे, तर 25 जागा विरोधकांकडे आहेत. यंदाच्या निवडणुकीत NDA ला आपली संख्या वाढवण्याची संधी आहे, तर दुसरीकडे मित्रपक्षांमधील जागावाटप हे मोठे आव्हान ठरणार आहे.
ज्या राज्यांमध्ये राज्यसभा निवडणूक होणार आहे त्यामध्ये महाराष्ट्र, ओडिशा, तमिळनाडू, पश्चिम बंगाल, आसाम, बिहार, छत्तीसगड, हरियाणा, हिमाचल प्रदेश आणि तेलंगणा यांचा समावेश आहे.
बिहार:
बिहारमध्ये 5 राज्यसभा जागा रिक्त होत आहेत. एक जागा जिंकण्यासाठी 41 आमदारांचे मत आवश्यक आहे. सध्या NDA कडे 202 आमदार आहेत, (205 मतांची गरज) तर विरोधकांकडे 35 आमदार आहेत. याशिवाय, AIMIM (5) आणि BSP (1) विरोधकांसोबत आल्यास विरोधक एक जागा काढू शकतात. मात्र NDA विरोधी आमदारांमध्ये फूट पाडू शकते, अशीही चर्चा आहे.
NDA चे संभाव्य सूत्र:
BJP: 2
JDU: 2
1 जागा सहयोगी पक्षाला
मात्र ही जागा LJP (रामविलास), HAM किंवा राष्ट्रीय लोक मोर्चा यापैकी कोणाला मिळणार, हाच खरा पेच आहे. येथे विरोधकांपेक्षा मित्रपक्ष व्यवस्थापन मोठे आव्हान आहे.
महाराष्ट्र:
महाराष्ट्रात 7 राज्यसभा जागा रिक्त होत आहेत. 288 सदस्यांच्या विधानसभेत एका जागेसाठी 37 मते आवश्यक आहेत. सध्या महायुतीकडे 235 आमदार असून, 6 जागा सहज जिंकू शकते. मात्र, शिंदेसेना 2 जागांची मागणी करत आहे. अशा परिस्थितीत भाजप 3 + 1 (RPI) असे सूत्र राबवू शकते. येथेही अंतर्गत वाटाघाटी निर्णायक ठरणार आहेत.
तमिळनाडू, पश्चिम बंगाल आणि ओडिशा
तमिळनाडू (6 जागा)
DMK: 4 जागा निश्चित
AIADMK: 1 जागा सुरक्षित
1 जागेसाठी चुरस संभवते
पश्चिम बंगाल (5 जागा)
TMC: 4 जागा राखू शकते
BJP: 1 जागेवर लक्ष
ओडिशा (4 जागा)
सध्या: BJP 2, BJD 2
नव्या समीकरणात:
BJP: 3 जागा
BJD: 1 जागा
इतर राज्ये: NDA ला मर्यादित फायदा
हरियाणा (2 जागा): BJP 1, काँग्रेस 1
छत्तीसगड (2 जागा): BJP 1, काँग्रेस 1
तेलंगणा (2 जागा): दोन्ही जागा काँग्रेसकडे जाण्याची शक्यता
आसाम (3 जागा): BJP 2; तिसरी जागा काँग्रेस-AIUDF मध्ये चुरस
हिमाचल प्रदेश (1 जागा): काँग्रेसच्या बाजूने झुकाव
एकूण चित्र काय सांगते?
NDA ला 2-3 जागांचा फायदा होण्याची शक्यता, तर INDIA आघाडीला 3-4 जागांचा फटका बसू शकतो. BJP च्या जागा 9 वरून 12 पर्यंत वाढण्याची शक्यता आहे, तर काँग्रेसलाही 4-5 जागांचा लाभ होऊ शकतो.
Web Summary : Rajya Sabha elections for 37 seats see NDA aiming to increase its numbers. Maharashtra, Bihar key battlegrounds with seat-sharing challenges. BJP may gain 2-3 seats, Congress 4-5, impacting overall balance.
Web Summary : 37 राज्यसभा सीटों के लिए चुनाव में एनडीए की संख्या बढ़ाने का लक्ष्य है। महाराष्ट्र, बिहार में सीट बंटवारे की चुनौती। भाजपा को 2-3, कांग्रेस को 4-5 सीटें मिलने की संभावना, जिससे संतुलन प्रभावित होगा।