राजस्थानच्या भीलवाडा जिल्ह्यातील गंगापूर पोलीस ठाण्याच्या हद्दीतील आलोली गावात एक धक्कादायक घटना घडली आहे. एका लग्न समारंभाचं काम संपवून घरी परतलेल्या चार जणांचा संशयास्पद परिस्थितीत मृत्यू झाला. मिळालेल्या माहितीनुसार, या चौघांनी भांडी घासण्यासाठी वापरलं जाणारं घातक केमिकल (लिक्विड) दारू समजून प्यायलं होतं.
या घटनेमुळे प्रशासन आणि उत्पादन शुल्क विभागात मोठी खळबळ उडाली आहे. या चौघांनी भांडी घासण्याचं घातक लिक्विड दारू समजून प्यायलं होतं. रात्री प्रकृती बिघडल्यानंतर तिघांचा गंगापूर रुग्णालयात मृत्यू झाला, तर एका महिलेचा भीलवाडा येथील महात्मा गांधी जिल्हा रुग्णालयात उपचारादरम्यान मृत्यू झाला. या घटनेनंतर परिसरात भीतीचं वातावरण निर्माण झालं आहे. जिल्हाधिकारी जसमीत सिंह संधू आणि जिल्हा पोलीस अधीक्षक धर्मेंद्र यादव यांनी घटनास्थळी धाव घेतली. तसेच एफएसएल (FSL) टीमही तपासासाठी दाखल झाली आहे.
मिळालेल्या माहितीनुसार, रतन, सुशीला देवी, जमनी देवी आणि बदामी देवी यांनी तीन दिवसांपूर्वी आलोली येथे शैतान सिंह यांच्याकडील एका विवाह समारंभात भांडी घासण्याचं काम घेतलं होतं. काम पूर्ण झाल्यानंतर ते तेथील भांडी साफ करण्याचं लिक्विड दारू समजून आपल्यासोबत घरी घेऊन आले. पोलिसांच्या प्राथमिक अंदाजानुसार, नशा करण्याच्या नादात त्यांनी हे लिक्विड दारू समजून प्यायलं, ज्यामुळे या चौघांचाही मृत्यू झाला.
या दुर्घटनेची माहिती मिळताच जिल्हाधिकारी आणि पोलीस अधीक्षकांनी घटनास्थळी पोहोचून मृतांच्या नातेवाईकांकडून माहिती घेतली. पोलिसांनी मृतदेह शवविच्छेदनासाठी शवागारात पाठवला आहे. एकाच वेळी झालेल्या या चार मृत्यूंच्या बातमीने पोलीस, प्रशासन आणि उत्पादन शुल्क विभागात खळबळ उडाली आहे. शवविच्छेदन अहवाल आणि एफएसएल तपासणीनंतरच सर्व बाबी स्पष्ट होतील. सध्या या प्रकरणी दोषी आणि बेकायदेशीर ॲसिड विक्रेत्यांची चौकशी केली जात आहे.
Web Summary : In Rajasthan, four people died after mistakenly drinking dishwashing liquid, believing it was alcohol. The incident occurred after a wedding event, triggering investigations and causing widespread concern in the area.
Web Summary : राजस्थान में, शराब समझकर डिशवॉशिंग लिक्विड पीने से चार लोगों की मौत हो गई। घटना एक शादी समारोह के बाद हुई, जिससे जांच शुरू हो गई और क्षेत्र में व्यापक चिंता फैल गई।