Raj Kushwaha Net Worth, Sonam Raghuvanshi: राजा रघुवंशीच्या हत्येप्रकरणी पोलिसांनी चारही आरोपींना अटक केली आहे. तर या हत्येचे प्लॅनिंग करणारी सोनम रघुवंशी ही इंदूरमध्ये सापडली. असे म्हटले जाते की सोनमचे राज कुशवाहा याच्यासोबत अफेअर होते. तिच्याच सांगण्यावरून राज कुशवाहा याने राजा रघुवंशीची हत्या घडवून आणल्याचा आरोप केला जात आहे. अशा परिस्थितीत प्रश्न असा आहे की ज्या राज कुशवाहासाठी सोनमने आपल्या पतीला मारण्याचे प्लॅनिंग केलं, त्या राज कुशवाहाची संपत्ती किती...
राज कुशवाह सोनमच्या वडिलांच्या कंपनीत करायचा नोकरी
सोनमने शरणागती पत्करल्यानंतर आणि तिच्या अफेअरची कहाणी समजल्यानंतर लोकांना राज कुशवाह कोण आहे हे जाणून घ्यायचे आहे. सोनमच्या वडिलांचा प्लायवूड कारखाना आहे. राज कुशवाहा या कारखान्यात कर्मचारी आहे. तो बिलिंगचे काम करायचा. सोनमची येथे राज कुशवाहाशी भेट झाली. त्यानंतर दोघांमधील जवळीक वाढली. कुटुंबाचा दावा आहे की त्यांना त्यांच्या प्रेमसंबंधाची काहीच कल्पना नव्हती. म्हणूनच त्यांनी सोनमचे लग्न लावून दिले.
राज कुशवाहाचा पगार किती होता?
जर आपण राज कुशवाहाच्या उत्पन्नाबद्दल आणि एकूण संपत्तीबद्दल बोललो तर त्याचा पगार फार जास्त नव्हता. त्याचे वार्षिक उत्पन्न जेमतेम दोन लाखांच्या घरात होते. प्लायवूड कारखान्यात तो बिलिंगचे काम पाहायचा. त्यानुसार, त्याचा पगार १५ ते २० हजार रुपयांच्या आसपास असल्याचे सांगितले जाते. त्याचे राहणीमानही फारसे उच्चभ्रू नव्हते. सोनमची कौटुंबिक पार्श्वभूमी पाहता, राज कुशवाहा फारच गरीब होता. पण असे असले तरीही सोनम त्याच्या आकंठ प्रेमात होती.
मिळालेल्या माहितीनुसार, राज कुशवाहाची कौटुंबिक पार्श्वभूमीही तशी फारशी चांगली नाही. सोनम त्याच्यापेक्षा खूपच श्रीमंत होती. तिच्या कुटुंबाचे इंदूरमध्ये स्वतःचे घर होते. तिथे तिच्या वडिलांचा एक मोठा प्लायवूड कारखाना आहे. त्या कारखान्यात अनेक कर्मचारी काम करतात. त्यात राज कुशवाह देखील काम करायचा. सोनम कारखान्यात जात असे. त्याच दरम्यान, दोघांची ओळख वाढली आणि सोनम राज कुशवाहाच्या प्रेमात पडली.
सोनमचा पती राजा रुघुवंशी होता श्रीमंत
दुसरीकडे, सोनमचा पती राजा रघुवंशी हा वाहतूक व्यवसायिक होता. त्याचा व्यवसाय लाखो रुपयांचा होता. तरीही, सोनमला मात्र राज कुशवाहाशीच भविष्य एकत्र घालवायचेहोते. पोलिसांनी या घटनांतील लव्ह ट्रँगलबाबत अधिक माहिती दिलेली नाही. सध्या केवळ आरोपींना रिमांडवर घेऊन चौकशी केली जात आहे. पण पुढील चौकशीत आणखीही धक्कादायक खुलासे होण्याची शक्यता आहे.