नवी दिल्ली : भारतामध्ये अनेक कर्तृत्ववान व्यक्ती असून पद्म पुरस्कारांसाठी त्यांची नावे जनतेने १५ सप्टेंबरपर्यंत सुचवावीत असे आवाहन पंतप्रधान नरेंद्र मोदी यांनी रविवारी एका ट्विटद्वारे केले. पद्म पुरस्कारांच्या नामांकनांसाठी पंतप्रधानांनी ट्विटरवरून आवाहन करणे हा या घटनेतील वेगळेपणा आहे.
पद्म पुरस्कार हे खऱ्या अर्थाने जनतेचे पुरस्कार बनावेत याकरिता कर्तृत्ववान व्यक्तींची नामांकने लोकांकडून मागविण्यात येत आहे असे पंतप्रधान नरेंद्र मोदी याआधी म्हणाले होते.