बोअरवेलमध्ये पडलेल्या 'त्या' चिमुकल्यासाठी नरेंद्र मोदींनी केली प्रार्थना

परिसरात एकच खळबळ

तिरुतिरापल्ली : तामिळनाडूमधील तिरुचिरापल्ली जिल्ह्यातील एका गावात तीन दिवसांपासून बोअरवेलमध्ये पडलेल्या दोन वर्षीय चिमुकल्याला वाचविण्यासाठी युद्ध पातळीवर प्रयत्न सुरू आहेत. सुजीत विल्सन असे या चिमुकल्याचे नाव असून त्याची सुखरुप सुटका व्हावी, यासाठी पंतप्रधान नरेंद्र मोदींनी प्रार्थना केली आहे. 

My prayers are with the young and brave Sujith Wilson. Spoke to CM @EPSTamilNadu regarding the rescue efforts underway to save Sujith. Every effort is being made to ensure that he is safe. @CMOTamilNadu

— Narendra Modi (@narendramodi) October 28, 2019

नरेंद्र मोदींनी यासंदर्भात ट्विट केले असून तामिळनाडूनचे मुख्यमंत्री यांच्यासोबत रेस्क्यू ऑपरेशनबाबत चर्चा केली आहे. सुजीतला बोअरवेलमधून सुखरुप बाहेर काढण्यासाठी सर्व प्रयत्न सुरू असल्याचे तामिळनाडूचे मुख्यमंत्री एडापड्डी पलानीस्वामी यांनी नरेंद्र मोदींना सांगितले आहे. 

Tamil Nadu: A pit has been dug up to 60 feet so far, near the borewell in Nadukattupatti, where operation is underway to rescue 2-yr-old #SujithWilson. Drilling by borewell drilling machine is complete, further drilling is being done by a rig machine. pic.twitter.com/s8QeNcd2Ob

— ANI (@ANI) October 28, 2019

दरम्यान, शुक्रवारी संध्याकाळी साडेपाच वाजण्याच्या सुमारास सुजीत बोरवेलमध्ये पडला आणि ३० फूट खोल अडकला. ही घटना तिरुचिरापल्ली जिल्ह्यातील मनाप्पाराई येथे घडली. यामुळे परिसरात एकच खळबळ उडाली आहे. सुजीतला बोअरवेलमधून युद्ध पातळीवर प्रयत्न सुरू आहेत. तसेच, बचावकार्य सुरु असताना रविवारी तामिळनाडुचे उपमुख्यमंत्री ओ. पनीरसेल्वम यांनी घटनास्थळी भेट दिली. राज्य सरकार बचाव कार्याची माहिती सातत्याने घेत आहे.