Latest National News | National Marathi News | Latest National News in Marathi | राष्ट्रीय: ताज्या मराठी बातम्या

मध्य प्रदेशचे माजी मुख्यमंत्री दिग्विजय सिंह यांनी राजगड लोकसभा मतदारसंघातील सर्वसाधारण सभेला संबोधित करताना एक विधान केलं होतं. मी मुख्यमंत्री असताना 10 वर्षे शेतकऱ्यांकडून विजेचा 1 रुपयाही घेतला नाही. याशिवाय घरोघरी मोफत विजेचा लाभही लोकांनी घेतला असं दिग्विजय सिंह यांनी सांगितलं. भाजपाने दिग्विजय सिंह यांना आता प्रत्युत्तर दिलं आहे. भाजपाचे प्रदेशाध्यक्ष विष्णू दत्त शर्मा यांनी दिग्विजय सिंह यांनी मुख्यमंत्रिपदाच्या कार्यकाळात एवढी प्रगती केली आहे, तर मग ते लोकसभा निवडणूक लढवण्यापासून का मागे हटले? असा सवाल विचारला आहे. यावेळी लोकसभा निवडणुकीत मध्य प्रदेशचे माजी मुख्यमंत्री दिग्विजय सिंह यांचीही विश्वासार्हता पणाला लागली आहे. लोकसभा मतदारसंघांतर्गत आठ विधानसभा मतदारसंघ आहेत, त्यापैकी दोन जागा काँग्रेसकडे आहेत, तर सर्व सहा जागा भाजपाकडे आहेत.आता माजी मुख्यमंत्री दिग्विजय सिंह पदयात्रेच्या माध्यमातून लोकांची मने जिंकण्याचा प्रयत्न करत आहेत. या लोकसभा मतदारसंघातून ते दोनदा खासदार झाले आहेत, तर त्यांचे भाऊ लक्ष्मण सिंह यांनी चार वेळा खासदारकीची निवडणूक जिंकली आहे.माजी मुख्यमंत्री दिग्विजय सिंह यांनी सर्वसाधारण सभेला संबोधित करताना सांगितले की, मी मुख्यमंत्री असताना 10 वर्षे शेतकऱ्यांकडून वीजबिल वसूल केले नाही. याशिवाय लोकांनी घरांमध्ये मोफत वीज वापरली.भारतीय जनता पक्षाचे प्रदेशाध्यक्ष विष्णू दत्त शर्मा यांनी दिग्विजय सिंह यांच्यावर निशाणा साधताना म्हटलं आहे की, दिग्विजय सिंह यांनी अनेकवेळा आपल्या वक्तव्यात म्हटले आहे की, ते लोकसभा निवडणूक लढवण्यास तयार नाहीत.ते राज्यसभेचे खासदार आहेत, त्यामुळे लोकसभा निवडणूक लढवण्याचा प्रश्नच उद्भवत नाही. दिग्विजय सिंह यांनी त्यांच्या कार्यकाळात एवढा विकास घडवून आणला, तर त्यांना लोकसभा निवडणुकीची भीती का वाटली? मध्य प्रदेशातील सर्व 29 जागा भाजपा जिंकणार असल्याचेही ते म्हणाले.

National (Marathi News)

मुंबई इंडियन्सला इंडियन प्रीमिअर लीग २०२४ मध्ये सलग तीन सामन्यांत हार पत्करावी लागली. ...