बडगाम येथे झालेल्या चकमकीत एक दहशतवादी ठार 

जम्मू-काश्मीरमधील बडगाम येथे लष्कर आणि दहशतवाद्यांमध्ये रात्री झालेल्या चकमकीत लष्कराने एका दहशतवाद्याला कंठस्नान घातले आहे. लष्कर आणि दहशतवाद्यांमध्ये बडगाममधील एरिझल गावात ही चकमक काल रात्री सुरू झाली होती.  

श्रीनगर - जम्मू-काश्मीरमधील बडगाम येथे लष्कर आणि दहशतवाद्यांमध्ये रविवारी पहाटेपासून सुरू झालेल्या चकमकीत लष्कराने एका दहशतवाद्याला कंठस्नान घातले आहे. लष्कर आणि दहशतवाद्यांमध्ये बडगाममधील एरिझल गावात ही चकमक काल रात्री सुरू झाली होती.  

#JammuAndKashmir: One terrorist gunned down in an encounter between security personnel & terrorists in Budgam's Arizal Village.

— ANI (@ANI) March 24, 2018

त्याआधी शनिवारी अनंतनाग येथे झालेल्या चकमकीत लष्कराने दोन दहशतवाद्यांना ठार केले होते. त्यांच्याकडून एके-47 सह अनेक शस्त्रास्त्रे जप्त करण्यात आली होती. दरम्यान, ठार करण्यात आलेल्या दहशतवाद्यांची ओळख पटली नव्हती. जम्मू-काश्मीरमधील दहशतवाद्यांच्या नायनाटासाठी लष्कराने गेल्यावर्षीपासून ऑपरेशन ऑल आऊट सुरू केले आहे. या कारवाईंतर्गत आतापर्यंत दोनशेहून अधिक मोठ्या कमांडरसह दोनशेहून अधिक दहशतवाद्यांना लष्कराने कंठस्नान घातले आहे.