मंचेरिअल: तपासणी टाळण्यासाठी बाईक भरधाव वेगानं पळवणं दोन तरुणांना महागात पडलं आहे. तेलंगणातील मंचेरिअल जिल्ह्यात झालेल्या अपघातात एका तरुणाचा जागीच मृत्यू झाला आहे. हा संपूर्ण प्रकार सीसीटीव्हीत कैद झाला असून तो सोशल मीडियावर व्हायरलदेखील झाला आहे. २२ मे रोजी तपालपूर गावात हा भीषण अपघात झाला.मंचेरिअल जिल्ह्यातील जन्नाराममध्ये वन विभागाचा चेकपोस्ट आहे. २२ मे रोजी एक दुचाकीस्वार इथून अतिशय भरधाव वेगानं निघाला होता. त्याच्या मागे दुचाकीवर आणखी एक जण होता. वन विभागाचा अधिकारी चेकपोस्टजवळ उभा होता. वेगानं येणारी दुचाकी पाहून अधिकाऱ्यानं हातवारे करून त्यांना थांबण्याची सूचना केली. मात्र तरीही दुचाकीस्वारानं वेग कमी केला नाही. चेकपोस्टवरील तपासणी चुकवण्यासाठी त्यानं वेग आणखी वाढवला.
चेकपोस्ट टाळण्यासाठी बाईक सुस्साट पळवली, एकाचा मृत्यू; अंगावर काटा आणणारा अपघात CCTVमध्ये कैद
By ऑनलाइन लोकमत | Updated: May 24, 2021 15:30 IST