निर्मला सीतारामन या माणसे मारणारी नागीण, तृणमूलचे खासदार कल्याण बॅनर्जी यांची टीका

भाजपने यास लगेच तेवढ्याच तिखट शब्दांत उत्तर दिले व ममता बॅनर्जी यांचे पक्षावरील नियंत्रण पार सुटल्याने त्यांचे नेते निराशेने मनाला येईल ते बरळत आहेत, असा आरोप केला.

कोलकाता : केंद्रीय वित्तमंत्री निर्मला सीतारामन या माणसे मारणारी विषारी नागीण आहेत, अशी विखारी टीका तृणमूल काँग्रेसचे खासदार कल्याण बॅनर्जी यांनी केली. भाजपने यास लगेच तेवढ्याच तिखट शब्दांत उत्तर दिले व ममता बॅनर्जी यांचे पक्षावरील नियंत्रण पार सुटल्याने त्यांचे नेते निराशेने मनाला येईल ते बरळत आहेत, असा आरोप केला. इंधनाच्या सतत वाढणाऱ्या किमती व रेल्वेगाड्यांचे प्रस्तावित खासगीकरण याच्या निषेधार्थ बांकुडा येथे आयोजित रॅलीत बोलताना खासदार बॅनर्जी यांनी इतिहासातील सर्वात वाईट वित्तमंत्री असे संबोधले.