"माझी राणी, सुपरस्टार, माझ्या हृदयाची..."; महाठग सुकेशचं जॅकलिनला महिला दिनी 'लव्ह लेटर'

Sukesh Chandrasekhar And Jacqueline Fernandez : जेलमध्ये असलेल्या सुकेशने पुन्हा एकदा बॉलिवूड अभिनेत्री जॅकलिन फर्नांडिसला एक लव्ह लेटर लिहिलं आहे. यामध्ये त्याने तिला राणी आणि शक्ती असं म्हटलं आहे.

जगभरात आंतरराष्ट्रीय महिला दिन साजरा केला जात आहे. याच निमित्ताने महाठग सुकेश चंद्रशेखर पुन्हा एकदा चर्चेत आला आहे. जेलमध्ये असलेल्या सुकेशने पुन्हा एकदा बॉलिवूड अभिनेत्री जॅकलिन फर्नांडिसला एक लव्ह लेटर लिहिलं आहे. यामध्ये त्याने तिला राणी आणि शक्ती असं म्हटलं आहे.

सुकेशने पत्रात लिहिलं की, "माझी राणी, माझी शक्ती आणि माझी सुपरस्टार! हा सर्व महिलांचा दिवस आहे. महिला खऱ्या आयुष्यात सुपरहिरो असतात. जे म्हणतात हे पुरुषांचं जग आहे ते खोटे बोलत आहेत. स्त्री हीच पुरुषाची खरी शक्ती आहे. स्त्रीशिवाय पुरुष काहीच नाही."

"माझ्या आयुष्यातही जॅकलिनसारख्या सुंदर महिला आहेत. जॅकलीन आज हा दिवस साजरा करत असलेल्या सर्व सुंदर महिलांसाठी एक आदर्श आहे. तुझ्या इमारतीला आग लागल्याची बातमी समजल्यानंतर माझ्या हृदयाची धडधड थांबली. तू पूर्णपणे ठीक आहेस त्यासाठी मी देवाचे आभार मानतो."

सुकेश चंद्रशेखरने आपल्या पत्राच्या शेवटी सर्वांना महाशिवरात्री आणि महिला दिनाच्या खूप साऱ्या शुभेच्छा दिल्या आहेत. यासोबतच त्याने सांगितलं की तो जॅकलिनचं नवीन गाणे ऐकण्यासाठी खूप उत्सुक आहे.