मोनिका किरणापुरे हत्याकांडातील फरार आरोपी जेरबंद

ग�

��ंदियात बांधल्या मुसक्या : सव्वाचार वर्षानंतर लागला हाती
नागपूर : बहुचर्चित मोनिका किरणापुरे हत्याकांडातील फरार आरोपी राजू तुलसी यादव (वय २५) याच्या अखेर पोलिसांनी मुसक्या बांधल्या. हे हत्याकांड झाल्यापासून अर्थात सव्वाचार वर्षांपासून तो फरार होता.
संबंध तोडणाऱ्या प्रेयसीचा काटा काढण्यासाठी कुणाल जयस्वाल याने तिच्या हत्येची सुपारी दिली होती. मात्र, तिच्याच सारखी शरीरयष्टी असलेली केडीके अभियांत्रिकी महाविद्यालयाची विद्यार्थिनी मोनिका किरणापुरे तोंडावर स्कार्फ बांधून असल्यामुळे आरोपींच्या हातून हकनाक मारली गेली होती. ११ मार्च २०११ ला घडलेल्या या हत्याकांडात पोलिसांनी हत्याकांडाचा सूत्रधार कुणाल जयस्वाल तसेच प्रदीप सहारे, उमेश ऊर्फ भुऱ्या मराठे, श्रीकांत सोनेकर, रामेश्वर सोनेकर तसेच गीता मालधुरे यांना अटक केली होती. पोलिसांनी उपरोक्त आरोपींविरुद्ध गुन्हे दाखल करून प्रकरण न्यायप्रविष्ट केले. न्यायालयाने २ जून २०१५ ला या प्रकरणाचा निकाल सुनावताना रामेश्वर आणि गीताची सुटका करून उर्वरित चौघांना आजन्म कारावासाची शिक्षा सुनावली.
मोनिकाची हत्या करणारा राजू यादव मूळचा उत्तर प्रदेशातील रहिवासी आहे. घटनेच्या पूर्वी तो सीताबर्डीतील एका हॉटेलमध्ये काम करायचा. येथेच त्याची आरोपींसोबत ओळख झाली होती. हत्याकांडाची सुपारी (पैसे) घेतल्यानंतर फरार झाला. तो प्रारंभी प. बंगालमध्ये गेला. त्यानंतर विविध शहरात लपत छपत राहून त्याने काही दिवसांपूर्वी गोंदिया गाठले. येथे तो एका हॉटेलमध्ये काम करत होता. ही कुणकुण लागताच गुन्हेशाखेचे अतिरिक्त आयुक्त श्रीकांत तरवडे, उपायुक्त दीपाली मासिरकर, एसीपी नीलेश राऊत यांच्या मार्गदर्शनाखाली पीआय एस. एम. गायकवाड आणि पी. आर. चौगुले यांच्या नेतृत्वातील पथक गोंदियात गेले. तेथे या पथकाने राजू यादवच्या मुसक्या बांधल्या.
---