दाहोद - गुजरामधील दाहोद-आनंद या मेमू रेल्वेच्या इंजिनला आग लागल्याची घटना घडली. गुजरातच्या दाहोद येथे सकाळी ११.४५ वाजता उघडकीस आला. त्यामुळे, तात्काळ ट्रेनमधील प्रवाशांना गाडीतून खाली उतरवण्यात आले. त्यानंतर, संबंधित विभागाला पाचारण करुन आग आटोक्यात आणण्यासाठी प्रयत्न करण्यात आले.
मेमू ट्रेन नंबर 09350 दाहोद-आनंद मेमू स्‍पेशल ट्रेनचे जैकोट येथे आगमन झाल्यानंतर १२ वाजण्याच्या सुमारास इंजिन कंपारमेन्टच्या खालून जाळ व धूर येत असल्याचे दिसून आले. सुदैवाने या घटनेत कुठलीही जिवीतहानी झाली नाही. दरम्यान, दपारी १.१४ वाजता ही ट्रेन जाकोट स्थानकातून पुढे प्रस्थान करण्यात आली. याप्रकरणी संबंधित यंत्रणेने तपासाचे आदेश दिले आहेत.