ठळक मुद्देमध्य प्रदेशच्या उज्जैनमध्ये एक भीषण अपघात झाल्याची घटना समोर आली आहे.अपघातात 12 जणांचा मृत्यू झाला असून 2 जण गंभीर जखमी झाले आहेत.जखमींना उपचारासाठी तातडीने जवळच्या रुग्णालयात दाखल करण्यात आले आहे.
उज्जैन - मध्य प्रदेशच्या उज्जैनमध्ये एक भीषण अपघात झाल्याची घटना समोर आली आहे. या अपघातात 12 जणांचा मृत्यू झाला असून 2 जण गंभीर जखमी झाले आहेत. रामगढ गावात सोमवारी रात्री हा अपघात झाला. मृतांमध्ये तीन लहान मुलांचा समावेश आहे. जखमींना उपचारासाठी तातडीने जवळच्या रुग्णालयात दाखल करण्यात आले आहे.
मिळालेल्या माहितीनुसार, लग्नावरून परतत असताना हा भीषण अपघात झाला. अपघातात मृत्यू झालेले सर्व जण हे उज्जैनचे रहिवासी होते. अपघातात एकाच कुटुंबातील पाच जणांचा मृत्यू झाला आहे. रात्री एकच्या सुमारास वेगाने येणाऱ्या कारची धडक बसल्याने हा अपघात झाला. अपघाताची माहिती मिळताच पोलीस घटनास्थळी दाखल झाले. तसेच स्थानिकांच्या मदतीने जखमींना उपचारासाठी रुग्णालयात दाखल करण्यात आले आहे.