जगभरात दररोज लाखो नागरिक रेल्वे किंवा विमानाने प्रवास करतात. प्रवासाचा थकवा घालवण्यासाठी अनेकजण संगीताचा आधार घेतात. मात्र, स्वतःच्या मनोरंजनासाठी मोठ्या आवाजात गाणी वाजवल्यामुळे अनेकदा सहप्रवाशांची मोठी गैरसोय होते. प्रवाशांच्या याच तक्रारींची दखल घेत सरकारने आता नियमावली कडक करण्याचा निर्णय घेतला आहे. यापुढे विमानामध्ये इअरफोनशिवाय मोठ्या आवाजात संगीत वाजवणे तुम्हाला महागात पडू शकते.
सार्वजनिक ठिकाणी मोठ्या आवाजात संगीत वाजवणे हे जनतेसाठी त्रासदायक आणि सार्वजनिक सुरक्षा नियमांचे उल्लंघन असल्याचे सरकारने मानले आहे. यामुळे सामान्य नागरिकांची गैरसोय होत असल्याने, आता विमान वाहतुकीच्या विद्यमान नियमांनुसार यावर कारवाई करता येईल. विशेष म्हणजे, यासाठी कोणतेही नवीन नियम लागू न करता जुन्याच नियमांची व्याप्ती वाढवण्यात आली आहे.
आता कारवाई होणार
विमानात किंवा विमानतळ परिसरात मोठ्या आवाजात संगीत ऐकून इतरांना त्रास देणाऱ्या प्रवाशांवर आता कडक कारवाई केली जाईल. लोकसभेत एका प्रश्नाला उत्तर देताना केंद्रीय नागरी विमान वाहतूक राज्यमंत्री मुरलीधर मोहोळ यांनी याविषयी सविस्तर माहिती दिली. त्यांनी स्पष्ट केले की, नागरी विमान वाहतूक महासंचालनालयाने (DGCA) जारी केलेल्या 'नागरी विमान वाहतूक आवश्यकता' नुसार ही कारवाई केली जाईल. अशा बेशिस्त प्रवाशांना रोखण्यासाठी आणि त्यांच्यावर कायदेशीर प्रक्रिया करण्यासाठी DGCA ने आधीच सविस्तर मार्गदर्शक तत्त्वे निश्चित केली आहेत.
केंद्रीय मंत्र्यांनी संसदेत स्पष्ट केले की, 'विमान नियम १९३७ आजही लागू असून त्यांतर्गत कठोर कारवाईच्या तरतुदी आहेत.
नियम २२ (Rule 22): या नियमानुसार, जर एखादा प्रवासी सुरक्षा किंवा शिस्तीचे उल्लंघन करत असेल, तर विमान कंपनी त्या प्रवाशाला विमानात प्रवेश नाकारू शकते किंवा त्याला विमानातून उतरवू शकते.
नियम २३ (Rule 23): हा नियम 'पायलट-इन-कमांड' यांना विशेष अधिकार देतो. विमानाची सुरक्षा किंवा शिस्त धोक्यात आणणाऱ्या कोणत्याही प्रवाशाविरुद्ध आवश्यक ती कारवाई करण्याचे अधिकार वैमानिकाकडे असतात.
नियम २९ (Rule 29): या नियमांतर्गत, वरील नियमांचे उल्लंघन करणाऱ्या प्रवाशांसाठी विशिष्ट शिक्षेची आणि दंडाची तरतूद करण्यात आली आहे.
Web Summary : Loud music on flights could lead to jail time. The aviation ministry has tightened rules, empowering airlines to penalize disruptive passengers under existing regulations for disturbing public order and safety.
Web Summary : फ्लाइट में तेज़ संगीत बजाना जेल की हवा खिला सकता है! विमानन मंत्रालय ने नियमों को कड़ा किया, एयरलाइनों को सार्वजनिक व्यवस्था और सुरक्षा में खलल डालने वाले यात्रियों पर दंड लगाने का अधिकार दिया।