मागील वर्षी कोलकाता येथील आरजी कर मेडिक कॉलेजमध्ये एका तरुणीवर अत्याचाराची घटना घडली होती. या प्रकरणाला वर्ष उलटले असून आता आणखी एक अशीच घटना समोर आली आहे. या घटनेने संपूर्ण देश हादरला. कोलकाता येथील लॉ कॉलेजमधील एका तरुणीवर सामुहिक अत्याचार केल्याचे समोर आले.
शहरातील एका लॉ कॉलेजमध्ये एका विद्यार्थिनीवर सामूहिक बलात्कार झाला. या घटनेप्रकरणी पोलिसांनी तीन आरोपींना अटक केली आहे. पोलिसांनी दिलेल्या माहितीनुसार, आरोपींमध्ये एक माजी विद्यार्थी आणि त्याच संस्थेतील दोन कर्मचारी आहेत. सध्या पोलिस आरोपींची चौकशी करत आहेत.
"एक-दोन नव्हे, माझ्या जावयाच्या १२ गर्लफ्रेंड"; पत्नीला संपवणाऱ्या पतीची सासूने केली पोलखोल
पोलिसांनी दिलेल्या माहितीनुसार, २५ जून रोजी रात्री १० ते १०.५० वाजेपर्यंत आरोपींनी तिच्यावर सामूहिक बलात्कार केला. या काळात पीडिता दयेची याचना करत राहिली. पण आरोपींनी तिच्यावर अत्याचार केले.
२६ जून रोजी आरोपीला अटक
पीडित महिलेच्या तक्रारीनंतर पोलिसांनी आरोपींचा शोध सुरू केली. २६ जून रोजी आरोपींना अटक करण्यात आली. पोलिसांनी तिन्ही आरोपींचे मोबाईल फोनही जप्त केले आहेत आणि तिघांनाही न्यायालयात हजर करण्याची तयारी सुरू आहे. पोलिसांनी आरोपींच्या कुटुंबियांनाही बोलावून घटनेबद्दल विचारपूस केली आहे, असे एका अधिकाऱ्याने सांगितले.
तिन्ही आरोपींवर सामूहिक अत्याचारचा आरोप
पोलिसांनी दिलेल्या माहितीनुसार, पीडितेने शहर पोलीस ठाणे गाठून महाविद्यालयातील दोन कर्मचारी आणि एका माजी विद्यार्थिनीविरुद्ध सामूहिक बलात्काराची तक्रार दाखल केली. पीडितेच्या तक्रारीच्या आधारे, तिची राष्ट्रीय वैद्यकीय महाविद्यालयात तपासणी करण्यात आली.
पीडितेने पोलिसांना सांगितले की, आरोपीने तिला कॉलेजच्या खोलीत बोलावले. तिथे सामूहिक अत्याचार केला. आरोपींपैकी एकाने तिच्यावर बलात्कार केला आणि इतरांनी मुख्य आरोपीला मदत केली.